ତୁଳସୀ ରସିଆ ଜଗା କାଳିଆ
ତୁଳସୀ ରସିଆ ଜଗା କାଳିଆ
ବଧି ଜଳନ୍ଧର ଶାପ ତୁଳସୀର
ସ୍ବୀକାର କଲେ ଠାକୁର ,
ଯାଚି ଦେଲେ ବର ଆସ୍ଥାନ ତୁମର
ହେଉ ମୋହ ମସ୍ତକର ।
ତୁଳସୀ ରସିଆ ମୋ ଜଗା କାଳିଆ
ତୁଳସୀ ତୁଳସୀ ବାସେ ,
ତୁଳସୀ ପତର ଦେଲେ ମଥା ପର
ମୁରୁକି ମୁରୁକି ହସେ ।
ମହାପ୍ରସାଦରେ ନ'ଦେଖିଲେ ନେତ୍ରେ
ମନ ଊଣା କରି ବସେ ,
ବୃନ୍ଦାବତୀ ପ୍ରତି ଶରଧା ଏମିତି
ପାଶେ ନ'ପାଇଲେ ରୁଷେ ।
ଧନ ରତ୍ନେ ଭାବ ନାହିଁ ତା'ର ଲୋଭ
ଭକ୍ତି ଭାବେ ତୁଳସୀଟେ ,
ପାଦ ତଳେ ଥୋଇ ଦେଲେ ମଥା ନଇଁ
ଖୁସିରେ କୁରୁଳି ଉଠେ ।
ତା'ପ୍ରେମରେ ମଜ୍ଜି ଦେଇ ଅଛି ଖଞ୍ଜି
ଶୁଭେ ଅଶୁଭେ ତୁଳସୀ ,
ଆବଶ୍ୟକ ପରା ତା'ପାଇଁ ଅଧୁରା
କର୍ମ କାଣ୍ଡ ବାରମାସୀ ।