ମହାନ ଧନୁର୍ଦ୍ଧର କର୍ଣ୍ଣ
ମହାନ ଧନୁର୍ଦ୍ଧର କର୍ଣ୍ଣ
ଅଙ୍ଗରାଜ କର୍ଣ୍ଣ ବଳିଷ୍ଠ
ମହାନ ଧନୁର୍ଦ୍ଧର,
ସତ୍ୟସନ୍ଧ,ଦାନୀ ପଣରେ
ବିଖ୍ୟାତ ତିନିପୁର ।
ବାଲ୍ୟକାଳୁ ସିଏ ଚାଖିନି
ପିତାମାତା ମମତା,
ଘୋର ଅପମାନ ଜୀବନ
ସାରା ଚୁମ୍ବିଛି ମଥା ।
ନିଜ ଲକ୍ଷ୍ୟ ପଥୁ ବିଚ୍ୟୁତି
ପ୍ରତିକୁଳେ ନ ହୋଇ,
ମହାରଥୀ ବାନା ମହାଭାରତେ
ଥିଲା ଉଡାଇ ।
କୋଟିଏ କନ୍ଦର୍ପ ଯା'ରୂପସମ
ନୋହିବେ ସରି,
ଲକ୍ଷ ଲକ୍ଷ ରାଜା ରଣରେ
ଯାନ୍ତି ଯା' ପାଶେ ହାରି ।
ଅକ୍ଷୟକବଚ ବକ୍ଷରେ
ଯାହାର ବିରାଜିତ,
ଅମୃତ କୁଣ୍ଡଳ କର୍ଣ୍ଣକୁ
ଯା'ର କରେ ଶୋଭିତ ।
ହରି,ହର ରକ୍ଷା କରିଲା
ମାରି କଳ୍ପ ଅସୁର
ନୀଳବାଣ ଭୁଜବାଣଟି
ଯା'ର ଅମୋଘ ଶର ।
କୃଷ୍ଣ,ଅର୍ଜୁନ ଡରୁଥିଲେ
ଯା'କୁ ଭାରତ ରଣେ
ନିନ୍ଦିଘୋଷ ରଥ ଘୁଞ୍ଜାଇ
ଦେଲା ବିକ୍ରମ ପଣେ ।
ପାଣ୍ଡଵଙ୍କୁ ନିଜ ସୋଦର ଜାଣି
ବଞ୍ଚାଇ ଦେଲା,
ଗୁରୁ ଅଭିଶାପେ ମରଣ
କୋଳ ମଣ୍ଡନ କଲା ।
ଭାରତେ ଭାରବୀ ମଲ୍ଲର
ମହା ମାନ୍ୟତା ପାଇ
କାଳ କାଳ ପାଇଁ ଯାହାର କୀର୍ତ୍ତି
ବିଶ୍ୱ ଘୋଷଇ ।