ଶ୍ରୀ ସିଂହନାଥ

 ସିଂହନାଥ ପୀଠ ଶୋଭାର ଭୁବନ

 ସତେ କି ସ୍ଵର୍ଗର ନନ୍ଦନ କାନନ ।

ପ୍ରକୃତି ରାଣୀର ଅପରୂପ ଶୋଭା

 ମନ୍ଦିର ସୌନ୍ଦର୍ଯ୍ୟ ଅତି ମନଲୋଭା ।

ମହାଶୈବ କ୍ଷେତ୍ର ନାମେ ସୁବିଦିତ

ଶାକ୍ତ, ଶୈବ ବୈଷ୍ଣବଙ୍କ ପ୍ରିୟ କ୍ଷେତ୍ର ।

 ସାଧୁ ମହାତ୍ମାଙ୍କ ବିଚରଣ ସ୍ଥଳୀ

ଗଲେ ଏହି ସ୍ଥାନେ ପାପ ଯାଏ ଜଳି।

 କଳ କଳ ନାଦେ ନିର୍ଝର ଝରଇ

ପାହାଡ ଗୁମ୍ପାରୁ ଓଁ କାର ଶୁଭଇ ।

 ଶ୍ରୀରାମ ଅନୁଜ ମହାତ୍ମା ଲକ୍ଷ୍ମଣ

 କଲେ ଏଠି ଶିବ ଲିଙ୍ଗ ସଂସ୍ଥାପନ୍।

ପୁରୀ ଗଜପତି ଲଳିତ କେଶରୀ

ବଡମ୍ବା ରାଜନ ମାଧେବେନ୍ଦ୍ର ମିଳି ।

 ଗଢିଥିଲେ ଏହି ସୁରମ୍ୟ ମନ୍ଦିର

 କଳା ଭାସ୍କର୍ଯ୍ୟର ଜୀବନ୍ତ ସ୍ୱାକ୍ଷର ।

 ଅଷ୍ଟଶମ୍ଭୁ ପୀଠ ରହିଛି ଏଠାରେ

 ଦର୍ଶନେ ପାତକ ଛାଡି ଯାଏ ଦୂରେ।

 ବୈଦେହୀ ସ୍ଥାପିତ ମା ଦକ୍ଷିଣକାଳୀ

କୋଟି ପ୍ରଣିପାତ ଚରଣେ ତାଙ୍କରି

। ରଘୁନାଥ ଦେବ ପାହାଡ କଟିରେ

 ବିରାଜନ୍ତି ରମ୍ୟ ସୂପରୀ ପାଟିରେ।

 ଅପୂର୍ବ ସୁନ୍ଦର ମନ ମୁଗ୍ଧ କର 

 ଶ୍ରେଷ୍ଟ ପର୍ଯ୍ୟଟନ କ୍ଷେତ୍ର ଉତ୍କଳର।

 ଟ୍ରି ବ୍ରିଜ ପାଇଁ ପ୍ରସିଦ୍ଧ ଏ ସ୍ଥାନ

ମକର ମେଳାର ହୁଏ ଆୟୋଜନ ।

କବି ଜଗନ୍ନାଥ କାଳଜୟୀ କାବ୍ୟ

 ରଚି ସିଂହନାଥ କାବ୍ୟ ବଈଭବ।

 କବିଙ୍କ ଭବିଷ୍ୟ ବାଣୀ ଆଜି ସତ୍ୟ

 ଯାହା ଦେଖିଥିଲେ ସେ ତୃତୀୟ ନେତ୍ର ।

 ଶହ ଶହ ପର୍ଯ୍ୟଟକ ଆଗମନ

 ମୁଖର ଏ ସ୍ଥାନ ଯା ଥିଲା ବିଜନ।

 ରାମନାଥ ବୈଦ୍ୟନାଥ ବୈଦେଶ୍ୱରେ

ସିଂହନାଥ ଶହ ସମାନ ଦୂରରେ ।

ପ୍ରଭୁ ସିଂହନାଥ ସୁଭାଶିଷ ବାରି

 ସଭିଙ୍କର ଦୁଃଖ ଦେଉ ଦୂର କରି ।

ଅପାର ମହିମାମୟ ସିଂହନାଥ

 କାଳେ କାଳେ ପ୍ରକିର୍ତିତ ପ୍ରତିଭାତ।

ବେଳୁ ବେଳ ସ୍ଥଳୀ ରାଜେ ସୁରୁଚିର

ରାଜ୍ୟ ରାଷ୍ଟ ଡେଇଁ ମହିମା ପ୍ରଚାର।

ବଡ଼ମ୍ବାର ରକ୍ଷାକର୍ତ୍ତା ଆଶୁତୋଷ

 କରିଥାନ୍ତି ଗର୍ବୀ ଗର୍ଵ ନଗ ଧ୍ୱଂସ ।