ସ୍ନେହ ର ରେଶମୀ ଡୋର
ସ୍ନେହ ର ରେଶମୀ ଡୋର
ସ୍ନେହ ର ରେଶମୀ ଡୋର ଲାଗି ଥାଏ
ଆହା କେଡେ ମନୋହର
ଗହ୍ମା ପୂର୍ଣ୍ଣିମା ରେ ଭାଇ ର ହାତରେ
ଭଉଣୀ ମାନେ ଆଦର ।
କରି ଭାଇ ପ୍ରତି ତା' ବାନ୍ଧି ଥାଆନ୍ତି
ରକ୍ଷା ବନ୍ଧନ ଉତ୍ସବ
ପାଳନ କରନ୍ତି ହରଷ ରେ ମାତି
ମନେ ଜlଗେ ଦିବ୍ୟ ଭାବ ।
ପ୍ରତ୍ୟେକ ବରଷ ଶ୍ରାବଣ ପୂର୍ଣ୍ଣିମା
ଦିନ ରେ ରକ୍ଷା ବନ୍ଧନ
ଭାଇ ଭଉଣୀ ଙ୍କ ଆନନ୍ଦ ଉଲ୍ଲାସ
ମଧ୍ୟରେ ଏହା ପାଳନ ।
ସ୍ନେହ ର ରେଶମୀ ଡୋର ଟିଏ କିଣି
ଭଉଣୀ ମାନେ ଆଣନ୍ତି
ଶ୍ରଦ୍ଧା ପ୍ରୀତି ସ୍ରୋତ ଧାର ପ୍ରବାହିତ
ଭାଇ ହାତେ ବାନ୍ଧି ଥାନ୍ତି ।
ଅନୁଷ୍ଠିତ ହୁଏ ମନ୍ଦିର ରେ ଏହି
ଦିନ ନାନା ଜାତ ପୂଜା
ରାଧା କୃଷ୍ଣ ଙ୍କ ର ଝୁଲଣ ଏ ଦିନେ
ଲାଗେ ପୁଣି କେତେ ମଜା ।
ପ୍ରାଚୀନ କାଳରୁ ପାଳିତ ହେଉଛି
ଏହା ଆମ ଭାରତ ରେ
ସଭ୍ୟତା ସଂସ୍କୃତି ଗରିମା ପ୍ରସାର
କରେ ଏ ନାନା ଭାବ ରେ ।
ଏହି କ୍ଷୁଦ୍ର ଡୋର ସ୍ନେହ ଦାନେ ଚିର
ହୋଇ ଥାଏ ନିତି ନିତି
ପ୍ରତି ବର୍ଷ କେତେ ଖୁସି ଉନ୍ମାଦନା
ଉଦ୍ରେକ କରାଏ ପ୍ରୀତି , ।
ସ୍ନେହ ମମତାର ଅତୁଟ ଆଶ୍ରୟ
ସ୍ନେହ ର ରେଶମୀ ଡୋର
ସମାଜ ଜୀବନେ ସ୍ନେହ ଅରପଣେ
ଭାଇ ପ୍ରତି ଭଉଣୀ ର ।