ପାର୍ବଣ

ମନ ଉଲ୍ଲସିତ

ମାଆ ମୋର ଆସିବେ

କାଶତଣ୍ଡି ଫୁଲରେ ସାଜିଥିବ ଧରା

ପବନରେ ମାଆଙ୍କ ବାସ ଉଛୱାସ ।

ସ୍ଵର୍ଗରୁ ଧରା ପୃଷ୍ଠକୁ ଅବତରିବେ ମାଆ

ପାଳିତ ହେବ ପାର୍ବଣର ଉତ୍ସବ

ଲୁଚିଯିବ ଭୟର ବାଦଲ

ଗର୍ଜିବ ଭେରୀ ତୂରୀ ଦୁନ୍ଦୁଭି

ଗଗନ ପବନରେ ମାଆ ଆସିବାର ସଂକେତ ।

ମାଆ ମୋର ଆସିବେ

ହରି ନେବେ ଶୋକ ଦୁଃଖର ସ୍ପର୍ଶ

ପାର୍ବଣ ଆସୁଛି 

ପଲ୍ଲବିତ ହେବ କୁଞ୍ଜ କାନନ 

ଆସ ମାଆ,ଆଶା ମାଆ 

ମୁଖରିତ ହେବ ହୃଦୟ ଝଙ୍କାର ।

ପାର୍ବଣ ର ପବିତ୍ର ପ୍ରେରଣା

ଆସିବେ ଦୁର୍ଗା ହରିବେ ଦୁର୍ଗତି

ଦୂର ହେବ ଆତ୍ମ ନୀଳୟରୁ ଭୀତି

ଆବାହନ କର ହେ ଭାରତୀ

ମିଳି ଯାଉ ଅନ୍ଧାରରୁ ଅଦୃଶ୍ୟ ମୁକତି ।

ଆତୁରେ କାତରେ ହୋଇବ ପ୍ରାପ୍ତି

ନାରୀ ସେ ତ ନାରାୟଣୀ 

ଦୁର୍ଗା ମହାମାୟା ଶିବା ଅମ୍ବା ଉମାବତୀ

ଆସୁଛନ୍ତି ମାଆ ମୋର ସୁଖ ଦୁଃଖର ସେ ସାଥୀ ।