Library
Profile
ବାଟୋଇ ଭାଇ
ବାଟୋଇ ଭାଇ
ଭାବିଅଛି ମନେ ଯିବି ଶ୍ରୀକ୍ଷେତ୍ରକୁ
ଧାମ ଶ୍ରୀ ପୁରୁଷୋତ୍ତମ
ବିଜେ ହୋଇଛନ୍ତି ଯହିଁ ମା ସୁଭଦ୍ରା
ଦାରୁଭୂତ ପର°ବ୍ରହ୍ମ ।
ନୀଳଚକ୍ର ବାନା ଉଡେ ଫରଫର
ନାମ ପତିତପାବନ
ମୋକ୍ଷପ୍ରଦ ଅଟେ ଶ୍ରୀମହାପ୍ରସାଦ
ଅମୃତ କୈବଲ୍ୟ କଣ ।
ରତ୍ନ ସି°ହାସନେ ଚକ୍ର ସୁଦର୍ଶନ
ବଡ଼ ଭାଇ ବଳରାମ
ବିଜେ ହୋଇଛନ୍ତି ଜଗତର ନାଥ
ସ୍ୱୟଂ ଲକ୍ଷ୍ମୀ ନାରାୟଣ ।
ଗୋଲୋକ ବୈକୁଣ୍ଠ ଶ୍ରୀ ନୀଳକନ୍ଦର
ମହାପ୍ରଭୁ ଜଗନ୍ନାଥ
କଳ୍କୀ ଅବତାରେ କରିବେ ସ°ହାର
ପାପୀ ତାପୀ ମ୍ଳେଚ୍ଛ ଦୁଷ୍ଟ ।
ସିଏ ନିଜେ ରଥ ସିଏ ପୁଣି ପଥ
ସିଏ କଳ୍ପ ବଟବୃକ୍ଷ
ପ୍ରଦାନ କରନ୍ତି ଛାୟା ସୁଶୀତଳ
ଫଳଛାୟା ସମନ୍ୱିତ ।
ବାମନ ରୂପରେ ରଥେ ବଡ଼ଦାଣ୍ଡେ
ଦିଅନ୍ତି ଦିବ୍ୟ ଦର୍ଶନ
ଚକା ନୟନକୁ ଦେଖିଦେଲେ ଡୋଳେ
ମିଳେ ମୁକ୍ତି ପରିତ୍ରାଣ ।
ଘୋର ଏ ସ°ସାରେ ନାହିଁ ଥଳକୂଳ
ଦଶଦିଶ ଅନ୍ଧକାର
ବିଚରା ବାଟୋଇ ଦିଗ ପଥ ଭ୍ରଷ୍ଟ
ପ୍ରଭୁ କୃପା ପାରାବାର ।
ଦୟାକର ପ୍ରଭୁ ଦୀନଜନ ବନ୍ଧୁ
କରୁଛି ବାରେ ମିନତୀ
ଭିଡ଼ି ଧର ହାତ ବାଟୋଇ ଭାଇର
ଲଭୁ ଶାନ୍ତି ସଦଗତି ।
