Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

RAKHAL CHANDRA SWAIN

Inspirational

4.3  

RAKHAL CHANDRA SWAIN

Inspirational

ଲାଗଇ ଯେମିତି

ଲାଗଇ ଯେମିତି

1 min
417


ଲାଗଇ ଯେମିତି, 

     ଗୋଟିଏ ମାଘରେ,

           ଶୀତ ଯାଏ ଅପସରି।


ଗୋଟିଏ ଅସରା ,

      ବର୍ଷା ଛାଡି ଗଲେ,

        ଛତା ଲାଗେ ଭାରି ଭାରି।


ପାଠ ସରିଗଲେ,

     ଶିକ୍ଷକ ଲାଗଇ,

           ଛାତ୍ର ପାଇଁ ଅତି ତୁଚ୍ଛ।


ଫଳ ସରିଗଲେ,

    ଥୁଣ୍ଟା ହୋଇ ଗଲେ,

          ଅଲୋଡା ଲାଗଇ ଗଛ।


ଲାଗଇ ଯେମିତି,

      ଅନ୍ନଦାତା ଛୋଟ,

            ଖେଳାଳି ଲାଗେ ବିରାଟ।


 ଛକା ଚଉକା ରେ,

     ଲାଗଇ ଯେମିତି,

           ପୁରି ଯିବ ଆମ ପେଟ।


କ୍ଷୀର ଛାଡିଦେଲେ,

     ଗାଈ ଲାଗେ ହଡ଼ା,

           କୁଟା ଖିଏ ତାକୁ ମନା।


ଦୁଃଖ ବେଳେ ଯିଏ,

       ସାଜିଥାନ୍ତି ସଖା,

        ସୁଖେ ଲାଗନ୍ତି ଅଚିହ୍ନା।


ଲାଗନ୍ତି ଅଲୋଡା,

   ପିତା ମାତା, ଯେବେ,

           ପୁତ୍ର ହୁଏ ରୋଜଗାରୀ।


ଅନ୍ନଦାତା ଲାଗେ,

    ଅଚିହ୍ନା ଅଜଣା,

          ଯେବେ ପେଟ ଯାଏ ଭରି।


ଭାବେ ନି ତ କେହି,

    ଆଜି ଅଛି ପୁତ୍ର,

         କାଲି ହେବି ନିଶ୍ଚେ ପିତା।


ନିଜ ପୁତ୍ର ଠାରୁ,

    ଯାତନା ପାଇଲେ,

          ଲାଗିବ ଅସଲ ବ୍ୟଥା।


Rate this content
Log in