ଆମ ବାପା
ଆମ ବାପା
ଛିଣ୍ଡା ଛିଣ୍ଡା ଅତୁଟ ସମ୍ପର୍କର
ଅଛିଣ୍ଡା ମୋର ଜୀବନ ଗଣିତ
ତୁମେମାନେ ସଵୁ ଅପଢା ପାଠ
ମୁଁ ତୁମମାନଙ୍କର ଏକ ସହଜ ସୁତ୍ର ।
ପାଠଶାଳାର ଦିଘଡି ଜୀବନଟା
କେବେ କଠିନ ଅସହଜ ଗଣିତ
କେବେ ସରଳ ଭାଷାର ସାହିତ୍ୟ ।
ସଦ୍ୟ ସାମାଜିକସ୍ଥିତି କଳାପଟାରେ
ପରିବାରର ହିସାବ ରଫ ଖାତାରେ
ସଵୁ ଅଙ୍କ କଷି କଷି ଚାଲେ ମୁଁ ଏକା
ଏଠି;
ସରଳ ନୁହେଁ ଜୀବନ ଜୀଇଁବାର ପାଠ।
ତଥାପି ;
ବସି ଖାଇଲେ ପରା ନଈ ବାଲି ସରେ
ବୁଝିଛି ଯେବେଠୁ ଜୀବନର ଏଇ ସୁତ୍ର
ଜୀବନର ନିତିଦିନିଆ ସଵୁ ଜଞ୍ଜାଳକୁ
ମାନସାଙ୍କପରି ସହଜେ କରେ ସମାଧାନ
ମୁଣ୍ଡ ଝାଳ ସଵୁ କେତେ ତୁଣ୍ଡରେ ମାରି
ନଥକି କରିଚାଲେ ନିତି ଅକ୍ଳାନ୍ତ ପରିଶ୍ରମ ।
ଜାଣିଛି !
ରହିଛି; ମୋର ଅନେକ ଅସରା ଗୁରୁଦାଇତ୍ୱ ।
କାରଣ
କଣ୍ଟକିତ ଅଣ ଓସାରିଆ ବଙ୍କା ରାସ୍ତାରେ
ବୋଝ ଉପରେ ଅଛି ମୋର ନଳିତା ବିଡା
ଆଗକୁ ଆଗକୁ ନଥକି ଚାଲିବାକୁ ହେବ
ଅକୁହା ବେଦନା ସଵୁକୁ ଛାତିରେ ଚାପି ।
ଫୁରସତ ନାହିଁ ଶାନ୍ତିରେ ନିଶ୍ବାସ ନେବାକୁ
ଅଳି ଅର୍ଦ୍ଦଳି ତୁମମାନଙ୍କ ପୁରାକରିବାକୁ
ବାହୁବଳୀ ପରି ଲଢେ ଦିନ ରାତି ଏକ କରି
ତୁମରି ମାନଙ୍କୁ ମୁହଁରେ ଟିକେ ଖୁସି ଭରିବାକୁ ।
ମୁଁ
କେବେ କରେନି
ମୋ ଜୀବନ ଗଣିତର ହିସାବ
କାରଣ
ମୁଁ ପରା ତୁମମାନଙ୍କର
"ବାପା