ନେଇ ଯା' ମୋତେ ଅଲଣାହାଟ

ନେଇ ଯା' ମୋତେ ଅଲଣାହାଟ 

ଯିବାକୁ ଇଚ୍ଛା ହୁଏ ମନ ମୋହର , 

ଯେଉଁଠାରେ ଥିଲେ ମନେ ପଡୁଥାଏ

ତା'ର ରୂପ ବାରମ୍ବାର । 

ଗାଁ ଶେଷେ ଅଛି ସ୍କୁଲବାରି ପୋଖରୀ

ନବଗ୍ରହଙ୍କ ମନ୍ଦିର , 

କରୁଣାମୟୀ ଗୋ ନବଗ୍ରହ

ଅଛନ୍ତି ଗାଁ ମଝିର । 

ମାମୁଁ ଘର ପଛପଟେ ଚୁନିଆ ବାରି

ଚୁନିଆ ପୋଖରୀର ପାଣି , 

ସୁରୂଜ କିରଣେ ଚମକୁ ଥାଆନ୍ତି

ମନକୁ ନିଅଇ ଟାଣି । 

କୁତାମଚଣ୍ଡୀ ପାଖରେ ଯଜ୍ଞ 

ହୁଏ କେତେ ଆଡମ୍ବର , 

ଗାଁର ସମସ୍ତ ପିଲାଠାରୁ ବୁଢ଼ା

ଦେଖୁଥାନ୍ତି ସୋହାଗରେ । 

ସବୁ ରାଗରୁଷା ଝଗଡ଼ା ଛାଡିକି

ଯାଆନ୍ତି ସଭିଏଁ ମିଶି , 

ଗାଁ ମୋର କେଡେ ସୁନ୍ଦର

ପାରିବିନି କେବେ ଭୁଲି ।