ମୋ ଦେଶର ଉତ୍କଳ ବୀର

କରୋନା ଆସିଛି ରଣ ହୁଙ୍କାରେ

ଯୁଦ୍ଧର ଡାକରା ନେଇ , 

ହେ ଉତ୍କଳ ବୀର କାହିଁ ପଛଘୁଞ୍ଚା

ପଡିଛୁ ଆଜି ତୁ ଶୋଇ । 

ଉଠ ଉଠ ତୁହି ଉତ୍କଳର ବୀର

ସଂଗ୍ରାମ ଲାଗି ପ୍ରସ୍ତୁତ , 

କରୋନା ବିରୁଦ୍ଧେ କରିଯାଅ ରଣ

ବିଜୟ ତୋହର ନିଶ୍ଚିତ । 

ରଣ କ୍ଷେତ୍ରେ ତୁହି ନୁହଁଇ ଏକାକୀ

ତୋ ସାଥୀରେ ଦେଶ ବାସୀ , 

କରୋନାକୁ ତଡି ଦେଶରୁ ବିତାଡି

ଆଣି ଦେ ପରେ ଖୁସି । 

ସମ୍ପର୍କଟା ଏତେ ବଡ଼ ନୁହେଁ ଏବେ 

ବଡ଼ ପରା ଏଇ ଜୀବନ , 

ସମାଜଠୁ ଟିକେ ଦୂରେଇ ଯା' ତୁ 

ସମାଜକୁ ଦେ ପ୍ରାଣ । 

ଉତ୍କଳ ବୀର ବୋଲାଉ ତୁହିରେ

ଉତ୍କଳ ମଉଡ଼ମଣି , 

କରୋନା ଲଢେଇ ଜିତିବା ଆଜି

ଲକ୍ଷ୍ମଣର ରେଖା ଟାଣି ।