ଲାଇବ୍ରେରୀ
ପ୍ରୋଫାଇଲ୍
ବଡ଼ଦାଣ୍ଡ ହାଟ
ବଡ଼ଦାଣ୍ଡ ହାଟ
1 min
265
ନଟବର ନାଟ ଲଗାଇଛ ହାଟ
ବସାଇଛ ସିନ୍ଧୁତଟେ
ରଥର ଦଉଡ଼ି ଲଗାଇଣ ଭିଡ଼ି
ନେଉନ କାହିଁକି ମୋତେ?
ମନେ ଅରମାନ ହେ ଚକାନୟନ!
ଦେଖିବି ରକ୍ତ-ଅଧର
ଅଧିର ଏ ମନ ଅଧୁରା ସପନ
ହାଟେ ହୋଇବ ସାକାର ।
ଦେଖିବି ଭକତେ ପ୍ରେମ ଅନୁରକ୍ତେ
ବାହୁ ତୋଳି ନୀଳ ନଭେ
ବାଇ ଖୋଳ ତାଳ ଗୁଣ ଗାନେ ଭୋଳ
ହାଟେ ଲୀଳା ରଚୁଥିବେ ।
ମୋହନ ବଂଇଶି ନେଉଥିବ ରସି
ତନ ମନ ଚଇତନେ
ତୋ କଳା ଶ୍ରୀମୁଖ ଆଣିବ ଗୋଲକ
ବଡ଼ଦାଣ୍ଡ ହାଟ କୋଣେ ।
ସନ୍ତାପିତ ମନ କରି ବିପଣନ
କରୁଣା-ହାଟରେ ତୋର
ପ୍ରେମେ ଆପ୍ଯାୟିତ ଭକ୍ତିରେ ପ୍ଳାବିତ
କିଣିବ ନିର୍ବାଣ ଡୋର ॥
