ଆପେ ଆପେ ଭୁଲ୍
ଆପେ ଆପେ ଭୁଲ୍
ସମୁଦ୍ର ବାଲିରେ ଲେଖିଥିବା ଚିଠି
ଲହରୀରେ ଧୋଇ ହୋଇଯାଏ
ଧୋଇ ହେଇ ଯିବା କାମ କିଏ ବା କରୁଛି
ଆପେ ଆପେ ଭୁଲ୍ ହୋଇ ଧୋଇ ହେଉଅଛି।
ଅସ୍ତ-ଗାମୀ ସୂର୍ଯ୍ୟରେ ବି ଉତ୍ତାପ ରହୁଛି
ଚନ୍ଦ୍ରର ଶୁଭ୍ର ଶରୀରରେ କଳଙ୍କ ଲାଗିଛି।
ତେଲ ଭର୍ତ୍ତି ଥାଇ ଦୀପ ବି ଲିଭୁଛି
ଦୌଡୁ ଥିବା ରେଳ ଗାଡି କେଉଁଠି ଅଟକି ଯାଉଛି।
ପରୀକ୍ଷାର ସହଜ ପ୍ରଶ୍ନର ଉତ୍ତର ଭୁଲ୍ ହେଉଅଛି
କିଛି କରା ଯାଇନାହିଁ ,ଆପେ ଆପେ ଭୁଲ୍ ହେଉଛି
ଶୀତଳ ପବନ କେବେ ଝଡ ହେଉଅଛି
ବର୍ଷା ଜଳ ଯଦିଓ ଜିବନ
ବାଦଲ ଫାଟିଲେ ଅପଚୟ ହେଉଅଛି।
ସବୁ ବିରତି ସଦା ଖରାପ ନୁହଇ
ଅଭିନୟ ରତ ତାରକାଙ୍କୁ ବୁଝି ହୁଏ ଦେଖି
ପୋଖତ ସନ୍ତରଣକାରୀ ବି ବୁଡି ଯାଇପାରେ
ବିନା ସନ୍ତରଣ ରେ କିଏ ପହଞ୍ଚେ କୂଳରେ।
ଆପଣାର ଲୋକ ପର ପରି ଭୁଲି ଯାଉଅଛି
କିଛି ଭୁଲ୍ ନାହିଁ, ଆପେ ଆପେ ହୋଇ ଯାଉଅଛି
ଲୁହ ପରି ବୁନ୍ଦାଏ ପାଣି ବିନା ମରୁଭୂମି ହେଉଅଛି
ସମୁଦ୍ରରେ ଉତ୍ତାଳ ତରଙ୍ଗ ଥାଇ ବରଷା ହେଉଛି
ଜାଣିଶୁଣି ଭୁଲ୍ କାମ ,ଅପରାଧ କିଏ ବା କରୁଛି
ପରିସ୍ଥିତି ଚାପରେ ଆପେ ଆପେ ହେଇ ଯାଉଅଛି