Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Anupama Sahu

Abstract

3  

Anupama Sahu

Abstract

ଦୋଛକି

ଦୋଛକି

1 min
136



॥୧॥

ଏ ଜୀବନ ପଥ ସର୍ବଦା ଉନ୍ମୁକ୍ତ

ଲକ୍ଷ୍ୟ ସ୍ଥିର କରିବାକୁ ହୁଏ,

ସୂରୁଜକୁ ମୁଠା କରି ଧରିବାର

ଅଥକ ପ୍ରୟାସ ମନେହୁଏ ॥

॥ ୨॥

ଅସମତାର ଏ ବିଷବୃକ୍ଷ ଛାଇ

ମଣିଷ ଦେହରେ ଯାଇ ବାଜି,

ଜଳିଉଠେ ଜାଳିଦିଏ ଅବା କେବେ

ସଇତାନ୍‌ଟିର ରୂପ ସାଜି ॥

॥ ୩॥

ଦୁଃଖସୁଖ ହସକାନ୍ଦ ସତମିଛ

ବ୍ୟକ୍ତ ଅବ୍ଯକ୍ତ ଏ ଉଠାଣି,

କେବେ ଆବୃତ୍ତ କେବେ ଅନାବୃତ୍ତ

ଏ ଇଚ୍ଛା ଅନିଚ୍ଛାର କାହାଣୀ ॥

॥ ୪॥

କେବେ ଏ ଜୀବନଗୋଟିଏରାସ୍ତାରେ

ହୁଏ ନାହିଁ ପରା ଧାଵମାନ,

ନଦୀ ପରି ମନ ବହି ଯାଉଥାଏ

ସୁଅର କେ କରେ ଆକଳନ ?

॥୫॥

ମନରେ ତୁମୁଳ ଯୁଦ୍ଧ ଲାଗିଛି

ବିବେକ ଆଉ ମନର ତୁଲେ ?

ଝିଙ୍କାରୀର ସ୍ଵନ ସିଂହର ଗର୍ଜନ

ମନ ଅରଣ୍ୟରେ ଯାଇ ହଜେ ॥

॥ ୬॥

ସୁନା ପରିଜଳେ ରଡନିଆଁ ରେ ମୁଁ

ଏଇ ସମୟର ଚୁହ୍ଲା ପରେ,

ବହ୍ନି ଗୀତିକା ଭିନ୍ନ ନାୟିକା

ଗାଏ ନିଜ ହୃଦୟଜ୍ବାଳାରେ ॥

॥ ୭॥

ବିଦାରି ଦେଉଛି ଏ ଜୀବନ ମତେ

ଝରାଇ ଧୂସର ଲୁହ ଲହୁ,

ଚିତ୍କାର ମୋର ଶୁଭୁନି କାହାକୁ

ଗ୍ରାସ କରେମତେ କାଳ ରାହୁ ॥

॥୮॥

ଦୁଇଟି ରାସ୍ତା ଅଗ୍ରତେ ମୋର

ସୁନ୍ଦର ପୁନଶ୍ଚ ଅସୁନ୍ଦର,

ଗୋଟିଏ ପଥ ତ ସରଗ ଆଡକୁ

ଆରଟି ଲକ୍ଷ୍ୟ ନରକ ପୁର ॥

॥ ୯॥

ଗୋଟିଏ ପଥରେ ପାଦପୋଡିଯାଏ

ଆନ ଦିଏ ସ୍ମିଗ୍ଧ ଶୀତଳତା,

ପିକ କୁହୁ ଗୀତ ଶୁଭେ ଏକପଥେ 

ଭରିଦିଏ ମନେ ମାଦକତା , ॥

॥୧୦॥

ଜାଣେନା କୁଆଡେ ଯିବିମୁହିଁଏବେ

ସରଗ ନରକ ବାଟ ଛାଡ଼େ,

କେବଳଗୋଟିଏ ଆଶାରଖେମୁହିଁ

ସଫଳତା ଅଛି ଯେଉଁ ଆଡେ ॥

॥୧୧॥

ନିଶ୍ଚିତଖୋଲିବ ତୃତୀୟବାଟଟେ

ମୋ ଲାଗି ଯିବି ମୁଁ ସେଇ ପଥେ,

ସଂକଳ୍ପ କରିଛି ଆଉ ଫେରିବିନି

ଦୋଛକିର ସେଇଶୂନ୍ୟ ପଥେ ॥



Rate this content
Log in