Library
ଓଠ ଧାରେ ହସ
ଓଠ ଧାରେ ହସ
1 min
188
ଆଖି ତଳେ ଲୁହ
ଓଠ ଧାରେ ହସ
ହୃଦୟେ ବେଦନା ଧରି
ସୁଖ ରସଂଜ୍ଞା ଜାଣେନି
ଦୁଃଖ ତାର ସୁଖ ଶୀରି
ନିଜ ଆଖି ଲୁହ
ଓଠ କୁ ପିଆଇ
ବାଣ୍ଟିଚାଲିଥାଏ ହସ
କେବେ ସେ ତନୟା
କେବେ ତ ଭଗିନୀ
ଜାୟା ଜନନୀ ବି ହୁଏ
ବାପା ଭାଇ ମାନ ଲାଗି
ହସି ହସି ଲୁହ ପିଏ
କେବେ ପତି ପାଇଁ
କେବେ ପୁଅ ପାଇଁ
ଲୁହ ପିଇ ହସୁଥାଏ
ଓଠ ଧାରେ ହସ
ମନ ତଳେ କୋହ
କୁହ ବା ବୁଝିବ କିଏ
ନଜାଣେ ତାକୁ ବା କିଏ
ନାଁ ତାର ନାରୀ
କିଏ ବା ନଜାଣେ
ଦୁଃଖ ସାଗରେ ଡୁବି
ଓଠେ ଯା ହସ ଝଟକୁଥାଏ
କୁହ ତାର ସମ କିଏ ।
