ରଜ ସଜ କି ସମ୍ଭବ

ଝିପିଝିପି ଵରଷାର

ଟିପିଟିପି ବର୍ଷା ଛିଟା

ପହିଲି ଆଷାଢର 

ପହିଲି ଛୁଆଁ ରେ

ଧରା ଆଜି ଆନମନା

ମହମହ ମାଟିର ମହକ

ଛୁଟିଯାଏ ମାଟିରୁ ଆକାଶ

ପୁଣି ମାଟିରୁ ଆକାଶ

କଦମ୍ଵ ମାଳତୀର

ଭୁରୁ ଭୁରୁ ବାସ

କୁଆଁରୀ ଲଳନାର 

ଲାଜ ଲାଜ ‌ହସ

ଅଳତା ମଖା 

ତାର ଦୁଇ ପାଦ

ରୁମ୍ ଝୁମ୍ ପାଉଁଜି ଶଵଦ

ସଜଵାଜ ନେଇ ଆସେ

ପ୍ରତି ଵରଷ ତ ରଜ

ରଜ ପାନ ରଜ ପୋଡ ପିଠା

ମନେ ଭରେ ଉନ୍ମାଦନା

ହେଲେ କାହିଁ ସେ ଉନ୍ମାଦନା!

ଏ ସନ ନାହିଁ ରଜ ସଜ

ଧରଣୀର ହଜିଛି କି ସୁଖ?

ବିଷାଦ ଵଦନେ ଧରା

ଢାଳୁଛି ଲୋତକ

ବାହାନଗା ରେଳ ଦୁର୍ଘଟଣା

ମନେ ପଡି ଥରିଯାଏ ଛାତି

କି କରୁଣ ସେଇ କାଳରାତି!

ଭୁଲିନି ଏ ମାଟି

ଲୌହ ମାନଵର 

ରକତର ଭୋଜି

ପ୍ରାଣରକ୍ଷା ଲାଗି

ଆର୍ତ୍ତଚିତ୍କାର ରକ୍ଷାକର

କୁଢ କୁଢ ଶଵରେ

ଵାପା ଖୋଜେ ପୁଅକୁ

ପୁଅ ଵି ଖୋଜେ ମା'କୁ 

ଭାଇକୁ ଖୋଜୁଛି ଭଉଣୀ

କା ମଥାରେ ଦେଵ 

ସୁନାର ମୁକୁଟ

କାହିଁ ହଜିଗଲା 

ରଜର ମଉଜ

ସିମନ୍ତିନୀର ଶୂନ୍ଯ ସୀମନ୍ତ

କେମିତି ପାଳିଵ ସେ ରଜ

ସିନ୍ଦୂର ଵିନା କି ରଜ?

ରୁଣୁଝୁଣୁ ଚୁଡି ଵିନା

ରଜ ସଜ କି ସମ୍ଭଵ!