ଶୂନ୍ଯ ଲାଗେ ସବୁ ବୋଉ ବିନା

ବୋଉ ଚାହେଁ ନାହିଁ ପାଟ ଲୁଗା

ବୋଉ ବି ଚାହେଁନା ସୁନା ରୂପା

ବୋଉ ଚାହେଁ ପଦେ ମିଠା କଥା

ସେନେହରେ ଥରେ ଡାକି ଦେଲେ "ବୋଉ "

ଦୂର ହୋଇ ଯାଇ ସବୁ ବ୍ଯଥା

ଓଦା ହୋଇଯାଏ ଆଖି ପତା

ତା ତ୍ଯାଗ ଆଗେ ସବୁ ଲାଗେ ଫିକା

ତ୍ୟାଗ ର ମୂଲ ତା ଦେଇ କେ ପାରିବ !

ଅମୂଲ୍ଯ ମୂଲ ଯେ ତା ମମତା

ଆମ ଏ ନିଃଶ୍ବାସ ବୋଉ ଦାନ

ଲୋଡା ନାହିଁ ବୋଉ ପାଇଁ ଦିନ

ପ୍ରତିଟି ନିମିଷ ବୋଉର ଆଶିଷ

ଶୂନ୍ଯ ଲାଗେ ସବୁ ବୋଉ ବିନା

କରୁ ଅଛି ଆଜି ଏଇ ଅଳି 

ବିନମରେ ଦୁଇ କର ଯୋଡି

ଡାକ ମାଆ ,ମାମା, ଅବା ବୋଉ

ତା ଦେହେ ଲୁଚିଛି ଦେବୀ ସତ୍ତା

କର ନାହିଁ ତାକୁ ଅଣ ହେଳା

ବୃଦ୍ଧାଶ୍ରମେ ନ ବିତୁ ତା ଶେଷ ବେଳା

ତା ଆଶିଷର ହାତ ମଥା ପରେ ଥିଲେ

ସରଗ ସୁଖ ବି ଲାଗେ ଫିକା.।।