ପ୍ରତିଶୋଧ

ପ୍ରତିଶୋଧ ଅଟେ ଏକ ଅହଙ୍କାର 

ଈର୍ଷା ରାଗ ଦ୍ୱେଷ ରେ ଭରପୁର 

ବ୍ୟକ୍ତି ବିଶେଷ ବୁଝେନା ମଣିଷ ଛାର 

ଅଢେଇ ଦିନ ଖେଳରେ ଖାଲି ଛାରଖାର 

ପ୍ରତିଶୋଧ ଏକ ଆଚରଣ ଵିଧି 

ସମ୍ପୃକ୍ତିର କେହି ପାଏନା ସିଦ୍ଧି 

ସାମଗ୍ରିକ ସୃଜନୀ ସତ୍ତା ହରାଇ ସେ ବ୍ୟକ୍ତି 

ନିନ୍ଦିତ ଅପମାନିତ ହୋଇ ନିଜ ଗାତେ ନିଜେ ପଡନ୍ତି 

ମଣିଷର କେତେ ଭଲଗୁଣ 

ସହନଶୀଳତା ଧୈର୍ଯ୍ୟ ମାନବୀୟ ଗୁଣ 

ଛାଡି ହେଲେ ପ୍ରତିଶୋଧ ପରାୟଣ 

କେବେ ବି ନାହିଁ ବିଜୟ ଅଛି ଖାଲି ସର୍ବସ୍ୱାନ୍ତ ଅପଚୟ 

ହେ ମଣିଷ କରନା ଅହଙ୍କାର କାରେ 

ବରଂ ଚି଼ହ୍ନ ପ୍ରାରବ୍ଧ କର୍ମରେ 

ଆଉ ବିଶ୍ଵନିୟନ୍ତା ଇଛାରେ 

ଚାଲିବାକୁ ଏ ବିଶ୍ୱରେ ପରସ୍ପର ଭାଇ ବନ୍ଧୁ ସହୋଦରେ 

ମରିଗଲା ପରେ ଅନ୍ତତଃ ଜୀଇଁ ଯିବାକୁ 

ପରପିଢ଼ି ହୃଦୟ ଭିତରେ 

ଅହଙ୍କାର ପରି ତାମସିକ ଗୁଣ ପରିହାରେ 

ସୁଜ୍ଞାନୀ ପଣ୍ଡିତ ନିଶ୍ଚୟ କହିବେ ଧ୍ୱଂସ ହେବ ସିଏ 

ଅହଂକାର କରେ ନିଜ ଆଚରଣ ଉଚ୍ଚାରଣେ ଯିଏ