ପ୍ରେମ

ଧିରେ ଧିରେ ଶୁଣ ଏ ପ୍ରେମର ଚରିତ

ଅଶେଷ ସାଧନା ସାଧ୍ୟୁ ଅଟେ ମହତ ।

ସମସ୍ତ ଅର୍ଥରୁ ଉର୍ଦ୍ଧ୍ଵେ ଅଟଇ ପ୍ରେମ,

ହରିଙ୍କୁ ବନ୍ଧନ ଉପାୟ ପରିଣାମ ।

ପ୍ରେମ ଅଦ୍ଵୈତ ବଶୀକରଣର ମନ୍ତ୍ର,

ହରିଜନେ ଲଭେ ହରି କୃପା ସ୍ୱତନ୍ତ୍ର ।

ବିଚିତ୍ର ପରମାନନ୍ଦ ମାଧୁର୍ଯ୍ୟ ଭରା,

ଅବ୍ୟକ୍ତ ଅଟେ ପ୍ରେମ ବାକ୍ୟ ବାଚ୍ଯ ଦ୍ୱାରା ।

ପ୍ରେମର ସ୍ଵରୂପ ଅଟେ ପଦାର୍ଥ ସମ,

ଚିତୋବୃତିରେ ହିଁ ବିଶେଷ ପରିଣାମ ।

ନିଜ ସ୍ଵାର୍ଥ ପୁରଣେ ଅନ୍ୟେ ସ୍ନେହ କଲେ,

ଆସକ୍ତି ବୋଲିଣ ଜ୍ଞାନୀଜନେ ଭାଷିଲେ I

ଶ୍ରେଷ୍ଠରୁ ଶ୍ରେଷ୍ଠତର ବିଶୁଦ୍ଧ ସାଧନ,

ପ୍ରେମର ମାହାତ୍ମ୍ୟ ଅଟେ ଅନିର୍ବଚନ ।

ପ୍ରେମହିଁ ସର୍ବ ସାଧନା ପରମ ମୁଲ,

ହରି ଉପାସନାର ଏହା ମୁଖ୍ୟ ଫଳ ।