ଲାଇବ୍ରେରୀ
ପ୍ରୋଫାଇଲ୍
ଅବୁଝା ମନ
ଅବୁଝା ମନ
1 min
157
ମିଛେକାହିଁ ଦେଖାଉଛୁ ବଡ ଟାଣରେ
ମୋର ମୋର ବୋଲି ମାୟାମୋହେ ଘାଣ୍ଟି
ଭୁଲିଗଲୁ ରାମ ଶ୍ରୀକୃଷ୍ଣ ନାମରେ
ସାଂସାରିକ ବସ୍ତୁ ମୋହରେ
ଭ୍ରମୁ ନିତ୍ୟ ପଡି ପଛରେ
ପରସ୍ତିରୀ ବିତ୍ତ ଦେଖିଣ
ଅଥୟ ହୁଅଇ ତୋ ପ୍ରାଣ
ପ୍ରାପ୍ତି ଇଚ୍ଛା ଅର୍ଥେ ମନ୍ଦ କର୍ମ କରି
କଳେବଳେ ନେଉ ଅନ୍ୟ ଜୀବନରେ
ମାୟା ମରିଚିକା ପଛରେ
ଧାଉଁଥାଉ ତୁ ନିରନ୍ତରେ
ମୃଗ କସ୍ତୁରୀର ସନ୍ଧାନେ
ଖୋଜିବୁଲଇ ଘୋରବନେ
ତା ନାଭିରୁ ସ୍ରବେ କସ୍ତୁରୀର ଗନ୍ଧ
ଜାଣି ନ ପାରିଣ ତ୍ୟଜେ ପରାଣରେ
କାହିଁ ପଡୁ ମାୟା ମୋହରେ
ଅନ୍ଧ ହେଉ ସଂପର୍କ ଡୋରେ
ମଲାବେଳେ କେହି ନଯିବେ
ଦୁଆରେ ଗୋବର ଛିଞ୍ଚିବେ
ଏକା ଆସିଅଛୁ ଏକା ଚାଲିଯିବୁ
ଏହା ଅଟେ ମନ ବିଧିବିଧାନରେ
ଚେତାଇ ଦେଉଛିରେ ମନ
କୃଷ୍ଣପାଦେ ଦିଅତୁ ଧ୍ୟାନ
ହରି ସେ ସର୍ବ ଦୁଃଖ ହରେ
ସଂସାର ସାଗରୁ ଉଦ୍ଧାରେ
ପଦ୍ମନାଭ ପାଦେ ଭଜ ଭକ୍ତି ଭାବେ
ମୁଢ଼ ଅନ୍ତର୍ଯ୍ୟାମୀ ଚିନ୍ତେ ମୋହନ ରେ
ମିଛେକାହିଁ ଦେଖାଉଛୁ ବଡ ଟାଣରେ
ମୋର ମୋର ବୋଲି ମାୟାମୋହେ ଘାଣ୍ଟି
ଭୁଲିଗଲୁ ରାମ ଶ୍ରୀକୃଷ୍ଣ ନାମ ରେ ।
