ଅବୁଝା ମନ
ଅବୁଝା ମନ
ଅବୁଝା ମନ ,
ମିଛେ କାହିଁ ଦେଖାଉଛୁ ବଡ ଟାଣରେ । ।
ମୋର ମୋର ବୋଲି ମାୟାମୋହେ ଘାଣ୍ଟି ।
ଭୁଲିଗଲୁ ରାମ ଶ୍ରୀକୃଷ୍ଣ ନାମ ରେ . . . .
ଅବୁଝା ମନ . . . .।ଠା
ସାଂସାରିକ ବସ୍ତୁ ମୋହରେ
ଭ୍ରମୁ ନିତ୍ୟ ପଡି ପଛରେ ।
ପରସ୍ତିରୀ ବିତ୍ତ ଦେଖିଣ
ଅଥୟ ହୁଅଇ ତୋ ପ୍ରାଣ ।
ପ୍ରାପ୍ତି ଇଚ୍ଛା ଅର୍ଥେ ମନ୍ଦ କର୍ମ କରି ।
କଳେବଳେ ନେଉ ଅନ୍ୟ ଜୀବନରେ . . . .
ଅବୁଝା ମନ. . . . I୧I
ମାୟା ମରିଚିକା ପଛରେ
ଧାଉଁଥାଉ ତୁ ନିରନ୍ତରେ ।
ମୃଗ କସ୍ତୁରୀର ସନ୍ଧାନେ
ଖୋଜିବୁଲଇ ଘୋରବନେ ।
ତା ନାଭିରୁ ସ୍ରବେ କସ୍ତୁରୀର ଗନ୍ଧ ।
ଜାଣି ନ ପାରିଣ ତ୍ୟଜେ ପରାଣ ରେ . . . .
ଅବୁଝା ମନ . . . . I୨I
କାହିଁ ପଡୁ ମାୟା ମୋହରେ
ଅନ୍ଧ ହେଉ ସଂପର୍କ ଡୋରେ ।
ମଲାବେଳେ କେହି ନଯିବେ
ଦୁଆରେ ଗୋବର ଛିଞ୍ଚିବେ ।
ଏକା ଆସିଅଛୁ ଏକା ଚାଲିଯିବୁ ।
ଏହା ଅଟେ ମନ ବିଧିବିଧାନ ରେ . . . .
ଅବୁଝା ମନ. . . . I୩I
ଚେତାଇ ଦେଉଛିରେ ମନ
କୃଷ୍ଣପାଦେ ଦିଅତୁ ଧ୍ୟାନ ।
ହରି ସେ ସର୍ବ ଦୁଃଖ ହରେ
ସଂସାର ସାଗରୁ ଉଦ୍ଧାରେ ।
ପଦ୍ମନାଭ ପାଦେ ଭଜ ଭକ୍ତି ଭାବେ ।
ମୁଢ଼ ଅନ୍ତର୍ଯ୍ୟାମୀ ଚିନ୍ତେ ମୋହନ ରେ . . .
ଅବୁଝା ମନ ,
ମିଛେକାହିଁ ଦେଖାଉଛୁ ବଡ ଟାଣରେ । ।
ମୋର ମୋର ବୋଲି ମାୟାମୋହେ ଘାଣ୍ଟି ।
ଭୁଲିଗଲୁ ରାମ ଶ୍ରୀକୃଷ୍ଣ ନାମ ରେ . . . .
ଅବୁଝା ମନ . . . .।୪।
ଜୟ ଶ୍ରୀରାଧେ ।