Library
ଜୀବନର କେତେ ରଙ୍ଗ
ଜୀବନର କେତେ ରଙ୍ଗ
ଏହି ଜୀବନର କେତେ ରଙ୍ଗ
ସବୁ ତ କେବେ ବାରି ହୁଏନା
କିଛି ରଙ୍ଗ ଲିଭିଯାଏ ଲାଗେ
କିନ୍ତୁ ତାର ଛାପ ଧରା ପଡ଼େନା |
କିଏ କହେ ଖେଳ ବୋଲି
କିଏ ପୁଣି ତାକୁ ଧରି ପାରେନା
ତଥାପି ଜୀବନର କେତେ ରଙ୍ଗ
ହୁଏ ଦୁନିଆ ପାଇଁ ଏକ ଆଇନା |
ଜୀବନ ଦେଇଛି ଯିଏ ସିଏ
କେବେ ଜୀବନରେ କିଛି ରଙ୍ଗ ଭରେନା
ଖାଲି ଆଖି ଖୋଲି ଦେଖୁଥାଏ
ଯାହା ଆଉ କେହି ଦେଖି ପାରେନା |
କେବେ କେବେ ମନ କହେ
ଅବୁଝା ସିଏ କେବେ କିଛି ବୁଝେନା
ଜୀବନର କେତେ ରଙ୍ଗ ଧରିଥାଏ
ହେଲେ କିଛି ଚିତ୍ର ଆଙ୍କି ପାରେନା |
ତଥାପି ଛାଡେନା ଆଶା ସିଏ
ହସିବାର କରେ କେବେ କିଛି ବାହାନା
ସେବେ ଜୀବନର କେତେ ରଙ୍ଗ
କରେ ତାକୁ ପ୍ରଶ୍ନ ଉତ୍ତର ପାଏନା |
ଅପେକ୍ଷାରେ ଥାଏ ସିନା ସିଏ
କିନ୍ତୁ ସମୟ କେବେ ରହି ଯାଏନା
ଦିନ ମାସ ବର୍ଷ ହୋଇ
ବିତିଯାଏ ଜୀବନର କେତେ ରଙ୍ଗ ଶୁଖେନା |
ଧରାଏ ହାତରେ ସିଏ ତୁଳି
ନୂଆ କିଛି ଆଙ୍କିବାର କରି ଭାବନା
କିନ୍ତୁ ଜୀବନର କେତେ ରଙ୍ଗ
ଆଖିରେ ନାଚିଯାଏ ଅତୀତକୁ ଭୁଲି ହୁଏନା |
ଏମିତି କେତେ ବର୍ଷ ବିତିଯାଏ
ଭାବେ ନୂଆ ହୋଇ ଭୁଲିବ ପୁରୁଣା
ଖାଲି ଜୀବନର କେତେ ରଙ୍ଗରେ
ରଙ୍ଗେ କିନ୍ତୁ ଅତୀତ କେବେ ହଜେନା |
ଖାଲି ଲିପା ପୋଛା କରି
ସତ୍ୟକୁ କେହି କେବେ ଲୁଚାଇ ପାରେନା
ସେହିପରି ଏହି ଦିନ ଚାଲିଯିବ
ସବୁ ନୂଆ ଦିନେ ହୋଇଯିବ ପୁରୁଣା |
କ୍ଷଣିକ ହେଲେ ମଧ୍ୟ ମୁହୂର୍ତ୍ତ
ଭରେ ମନରେ କେତେ କିଛି ଉଦ୍ଦୀପନା
ଜୀବନରେ କେତେ ରଙ୍ଗ ସବୁ
ବୋଳିଦେଇ ଦମ୍ଭରେ ଅତୀତର କରେ ସାମନା |
ଆଶା ଅସୁମାରି ମାରଇ ଲହଡି
ଏବେ କିଛି ସୀମା ଲଙ୍ଘି ପାରେନା
ହସି ହସି ସବୁ ଭୁଲିଯାଏ
ଜୀବନର କେତେ ରଙ୍ଗରେ ଭରଇ କାମନା |
ହେବ ସେହି ସବୁ ପୁର୍ଣ
ସଭିଏଁ ସଭିଙ୍କୁ ଦିଅ ଶୁଭ କାମନା
ନେଇ ଜୀବନର କେତେ ରଙ୍ଗ
ଆଙ୍କିଦିଅ ନୂଆ ସିଦ୍ଧ ହେଉ ସାଧନା|
