ନାତି ଝୁଲୁଅଛି

ଝୁଲରେ ନାତି ଝୁଲ୍

ବା ପାଣି ଖାଇ ଫୁଲ୍ ,

ଧୀରେଟି ବଲି ଚାଲ୍

ମାଆଟି କହି ଚାଲ୍।୧।

ମାଁ ଦେବ ତତେ କ୍ଷୀର 

ପାପା ଆଣିବ ନୀର,

କଥା ଶୁଣଟି ମୋର

ଅତି ଅଟୁ ସୁନ୍ଦର।୨।

ତୁହିଟି ମୋର ଧନ

ଜୀବନର ରତନ,

ନ କର ହେ କ୍ରନ୍ଦନ

ଅଜାଆଇଙ୍କ ରତ୍ନ।୩।

ଗୀତ ଗାଇବି ନିତି

ଝୁଳୂ ଥିବୁ ମୋ ଛାତି,

ଅଜା ଆଣିବ ହାତୀ

ଡିଆଁ ମାରିବୁ ନିତି।୪।

ଶୋଇ ପଡରେ ନାତି

ରାତି ହେଲାଣି ଅତି,

ଅବାଧ୍ୟ ହେଉ ଅତି

କି କରୁଛୁ ଏ ରୀତି।୫।

ଝୁଲରେ ନାତି ଝୁଲ୍

ବା ପାଣି ଖାଇ ଫୁଲ୍,

ଧୀରେଟି କହି ଚାଲ୍

ମାଆଟି କହି ଚାଲ୍।୬।