Library
Profile
ଫଗୁଣର ପ୍ରୀତି ଛିଟା
ଫଗୁଣର ପ୍ରୀତି ଛିଟା
ଫଗୁଣର ପ୍ରୀତି ଛିଟା
କାହାକୁ ବିଭୋର କରେ
କାହାକୁ ଉନ୍ମାଦନା ଆଣି ଦିଏ
ଆଉ କାହାକୁ ପାଗଳ ବି କରେ
ଫାଜିଲ୍ ଫଗୁଣ
ଫୁଲେଇ ହୁଏ
ଫୁଲର ରଙ୍ଗରେ
ଫଗୁଣ ହସେ
ବସନ୍ତ ମଳୟରେ
ଫଗୁଣ ଆନନ୍ଦ ବୋଳିଦିଏ
ଛାତିରେ ହୃଦୟରେ
ମନରେ ଆଉ ସ୍ଵପ୍ନରେ
ଫଗୁଣ ରଙ୍ଗ ବର୍ଷା କରେ
ହୋଲିର ରଙ୍ଗ ଅବିରରେ
ଫଗୁଣର ପ୍ରୀତି ଛିଟା
ରୋମାନ୍ସ ଭରି ଦିଏ
ପ୍ରିୟାର ଆଖିରେ
ମଧୁ ବୋଳି ଦିଏ
ପ୍ରିୟାର ଗୋଲାପି ଓଠରେ
ରଙ୍ଗୀନ ଝୋଟି ଆଙ୍କି ଦିଏ
ପ୍ରିୟାର ପଣତ କାନିରେ
ଫଗୁଣ ହାତ ଧରି ଟାଣି ନିଏ
କଳ୍ପନାର ରାଇଜକୁ
ଯେଉଁଠି ଝରଣା ଗୀତ ଗାଏ
କୋଇଲି ସାହାନାଇ ବଜାଏ
ପବନ ତନୁ ମନ ସ୍ପର୍ଶ କରେ
ଆଉ.....
ଆମ୍ବ ବଉଳର ବାସ୍ନା
ବିଭୋର କରେ ମନ ଆଉ ହୃଦୟ ସବୁ
ସେ ଏକ ସୁନ୍ଦର ଦୁନିଆ
ସେଠି ବ୍ୟସ୍ତତା ନ ଥାଏ
ନ ଥାଏ ଆସକ୍ତି ଆକର୍ଷଣ
ନ ଥାଏ କିଛି ଦେବା ନେବାର ଆଶା ଓ ବିଶ୍ଵାସ
ନ ଥାଏ ପ୍ରେମ ଆଉ ପ୍ରତାରଣା
ଚାରିଆଡେ଼ ଫଗୁଣର ମାହୋଲ
ଚାରିଆଡେ଼ ଫଗୁଣର ରଂଗ
ମାଟିରୁ ଆକାଶ
ଲାଗେ ଖାଲି ଫଗୁଣ ଫଗୁଣ
ମନରୁ ମନ
ହୃଦୟରୁ ହୃଦୟ
ସ୍ୱପ୍ନ ରୁ ସ୍ୱପ୍ନ
ସଂଚରି ଯାଏ
ଫଗୁଣର ସ୍ପର୍ଶ
ଫଗୁଣର ପ୍ରୀତି ଛିଟା
ଛିଟିକି ପଡେ
ହୃଦୟର
ଅଗଣାରୁ ଅଗଣାକୁ
ଡେଇଁ ଯାଏ
ମନ ଉପବନ ସବୁକୁ
ଫଗୁଣର ପ୍ରୀତି ଛିଟା
ଫୁଟି ପଡେ କବିତାରେ
ଶବ୍ଦରେ
ସାହିତ୍ୟରେ
ଗୀତରେ
ବାଦ୍ୟରେ
ଆଉ ନୃତ୍ୟରେ
ଫଗୁଣର ପ୍ରୀତି ଛିଟା
ନିମନ୍ତ୍ରଣ କରେ
ତୁମକୁ ଆଉ ମୋତେ
ଖାଲି ଫଗୁଣ ଫଗୁଣ ହେବାକୁ
