ସଭିଁଙ୍କ କାଶ୍ମୀର
ସଭିଁଙ୍କ କାଶ୍ମୀର
ଭାରତ ଭୂସର୍ଗ ନଥିଲା ଉତ୍ସର୍ଗ
ଦେଶର ଜନତା ପାଇଁ ,
ତ୍ରୁଟିପୁର୍ଣ୍ଣ ଥିଲା ଭୂଖଣ୍ଡ ବ୍ୟବସ୍ଥା
ବିଧି ମୁତାବକ ଭାଇ ! !
ଘୋର ଦୂରଦୃଷ୍ଟି ଅଭାବ ଥିଲାକି
ଘଡିସନ୍ଧି ମୁହୁର୍ତ୍ତରେ ,
ମିଶ୍ରଣ ସମୟେ ରାଜିନାମା କଲେ
ବିନା ଦ୍ଵିଧା ସଂକୋଚରେ ! !
ସେଇ ପରିଣାମ ହେଲା ଭାୟାନକ
ସମସ୍ୟା ସମଷ୍ଟି ସାଜି ,
ଆତଙ୍କ ସରାଗୀ ହେଲେ ଜମ୍ବୁବାସୀ
ଜାତୀୟତା ଗଲା ହଜି ! !
ତ୍ରୀଶତ ସତୁରୀ ମର୍ତ୍ତ୍ଯେ ସ୍ଵର୍ଗପୁରୀ
ଅଭୟ ପ୍ରଦାନ ବର ,
ପଞ୍ଚତିରିଶ'କ' ପୁର୍ଣ୍ଣ ସହାୟକ
ଜଳ ବଦଳରେ କ୍ଷୀର ! !
ଧାରା ଉପଧାରେ ଅନୁଚ୍ଛେଦ କାନ୍ଦେ
ସମସ୍ୟା ବହୁଳେ ପଡି ,
ଧନ୍ୟ ସମ୍ବିଧାନ ଧନ୍ୟ ଏ' ଭାରତ
ଏକଦେଶେ ଦୈତ୍ୟ ପେଡ଼ି ! !
ସ୍ଵତନ୍ତ୍ର ସୁବିଧା ଆତଙ୍କ କ୍ଷମତା
ପ୍ରୋତ୍ସାହନେ ଢେଲାମାଡ ,
ଦେଶ ଭୋଜଖାଇ ଦେଶଦ୍ରୋହୀସାଜି
ଜବାନଙ୍କୁ ଭାବୁ ଜଡ ! !
ପ୍ରତୀକ୍ଷା ବିଲୟ ହୋଇଛି ନିଶ୍ଚୟ
ଦେଶବାସୀ ସର୍ବେ ଖୁସି ,
ଏକରାଷ୍ଟ୍ର ଦେଶ ଏକ ସମ୍ବିଧାନ
ସରବେ ବୋଲିବେ ହସି ! !
ମାଆ ଭାରତୀର ବିଜୟ ମୁକୁଟ
ଭୂସ୍ଵର୍ଗ କାଶ୍ମୀର ସ୍ଥଳ ,
ମୋଦି ଅମିତଙ୍କ ଅଦ୍ୟମ ଉଦ୍ୟମ
ହୋଇଛି ଆଜି ସଫଳ ! !
ଅତୁଲ୍ୟ ଭାରତ ସ୍ଵପ୍ନ ବିଭୂଷିତ
ବିଶ୍ଵବାସୀ ଆଚମ୍ବିତ ,
ଧନ୍ୟ ଏ' ଦେଶ ଭିନ୍ନତାରେ ଏକ
ପ୍ରଣିପାତ ଶତଶତ ! !
ଜାତୀୟତା ବୋଧ ହେଵ ପ୍ରକଟିତ
ଜାମ୍ମୁ କାଶ୍ମୀରରେ ଆମ ,
ଜାତୀୟ ସଙ୍ଗୀତ ତ୍ରିରଙ୍ଗା ଶୋଭିତ
ବିଲୋପ ନିଆରା ଭ୍ରମ ! !
ହେ'କାଶ୍ମୀର ବାସୀ ହୁଅ ଆଜି ଖୁସି
ସର୍ବେ ଆମେ ଏକା କାର ,
ଗୋଟିଏ ଦେଶର ଭବ୍ୟ ନାଗରିକ
ମାଆ ଭାରତୀର ସ୍ଵର ! !