ଗରୀବର ପରିଚୟ

ଦାରିଦ୍ରର ସୀମାରେଖା ତଳେ ରଖି ଗୋଟେ ପରିଚୟ ପଡିପତ୍ର ଧରେଇ ଦେଇ,

ନାମିତ କଲ ଗରୀବର ଗୋଟେ ସ୍ବାଧୀନ ରାଷ୍ଟ୍ରରେ ପରିଚୟ ସ୍ବତନ୍ତ୍ର ।

ଗରୀବ ଜାଣିପାରେନା ବୋଲି

ସେ ସେଇ ପଡିପତ୍ର ଧରେ,

ଭାବେ ମୁଁ ସତରେ ଏ ଦେଶର

ଏକ ସଚା ନାଗରୀକ,

ଯାହାର ଅଛି ନିଛକ ପରିଚୟ,

ଲେଖା-ସେ ଦରିଦ୍ର ।

ଏଇ ପରିଚୟ ନେଇ ସେ ବଞ୍ଚେ,

ବଞ୍ଚିରହେ ଶାସନ କଳ

ତାର ସାମ୍ବିଧାନିକ ଅଧିକାର ବଳେ ।

ସେ ଦେଖେ ରାଜସ୍ବ ନ ଦେଇ ବିନା ପଞ୍ଜିକରଣରେ ବାଲି,ବଜୁରୀ ଓ ମାଙ୍କଡା ପଥର

ମାଫିଆ କବଳ ହୁଏ ।

ପେଟ୍ରୋଲ ପମ୍ପ ପାଇଯାଏ ଧନୀ ।

ଠିକାଦାର ସେ, ମଠ ଆଶ୍ରମ ଓ ମନ୍ଦିରର ସେ ଅଧିକାରୀ ।

ବ୍ଯବସାୟ ଯେତେ ସବୁ ସେଇ ଥିଲାବାଲା ହାତେ ।

ଯାହାର ଅଛି ବଞ୍ଚିବାକୁ କେଉଁ ରାଜ ରାଜୁଡା ଅମଳୁ ସଂଚିତ ଅର୍ଥ ।

ସେ ଜାଣେ ସେ ଭାରତରେ ଗରୀବ କାହିଁକି ???

ଯାହାର କହିବାର ଶକ୍ତି ନାହିଁ ।

ପ୍ରତିବାଦ କରିବାର ସାମର୍ଥ୍ଯ ନାହିଁ ।

ଅଥଚ ସେ ଦେଶର ନୀତିକୁ ମାନେ ।

ମାନେ ତାର ବ୍ଯବସ୍ଥାପନା ନିୟମକୁ ।

କାରଣ ସେ ଗରୀବ । 

ସେଇତାର ଶେଷ ପରିଚୟ ଆଗର ଓ ଏବେର ।

ବାସ୍ତବରେ ଗରୀବ ଭାରତରେ ଗରୀବ ନୁହେଁ ।

ତାକୁ ଗରୀବ କରି ରଖିଥିବା ଦେଶର ମାଲିକ ହିଁ ଗରୀବ ।