ଶିଶୁ

ସରଳ ସୁନ୍ଦର ଚେହେରାଟି ତାର

ଦେଖିବାକୁ ମନୋହର 

ନିଷ୍ପାପ ହୃଦୟ ଖିଲିଖିଲି ହସ

ଲାଗେ ଭାରି ଆପଣାର ।। 

ଟିକି ଟିକି ପାଦ ପରସରେ ତାର

ସବୁ ଦୁଃଖ ଯାଏ ଧୋଇ 

ମନର ବେଦନା କଷ୍ଟ ଓ ଯାତନା 

ଯାଏ ସବୁ ଦୂର ହୋଇ ।। 

ଛୋଟ ସମୟରେ ଘର ଅଗଣାରେ

ମହକେଇ ଦିଏ ବାସ

ମନ ଅଗଣା ବି ହେଇ ଯାଏ ତୋଷ

ରହିଥିଲେ ତାର ପାସ ।। 

ଦେଶର ଅଟେ ସେ ଉଜ୍ୱଳ ତରକା

ଉନ୍ନତିର ଭବିଷ୍ୟତ

ତାହାରି ଆଗରେ ନତମସ୍ତକ ହୋଇ 

ଅସଫଳ ହେବ ହତ ।। 

ବିଜୟର ବାନା ଉଡ଼ିବ ତା' ପାଇଁ 

ଏକଥା ଅଟେ ନିଶ୍ଚୟ 

ତାହାରି ସାହସେ ବିଲୋପନ ହେବେ 

ହିଂସା, ଦ୍ଵେଷ, ପାପ, ଭୟ ।। 

ଶିଶୁ ହସିଲେ ଦେଶ ହସିବ 

ଏକଥା କୁ ମନ୍ତ୍ର କରି 

ଆଗେଇ ନେବା ଶିଶୁ ଓ ଦେଶକୁ

ଉଭୟଙ୍କ ହାତ ଧରି ।।