ଆଉ କେତେ ଦିନ
ଆଉ କେତେ ଦିନ
କେତେ ଦିନ ଆଉ ବୁଲେଇ ବଙ୍କେଇ
ପ୍ରତାରଣା କରୁଥିବୁ
ଆଜି ନ ହେଲେବି କାଲିକୁ ନିଶ୍ଚୟ
ଦିନେ ଧରା ପଡ଼ି ଯିବୁ ।।
ଭୁଲ ମୁଁ କରିଛି ଭଲପାଇ ତତେ
ସେ କଥା ଏବେ ବୁଝୁଛି
ମନର ବେଦନା କାହାକୁ କହିବି
ଅନ୍ତରେ ଜଳି ମରୁଛି ।।
ସମ୍ଭାଳି ପାରୁନି ମନର କୋହକୁ
ହେଉଛି ପାଗଳ ପ୍ରାୟେ
କିଏ କାଳେ ମତେ କଣ କହିବେ
ହୃଦୟ ଥରୁଛି ଭୟେ ।।
ଛଳନା କରିତୁ କି ଲାଭ ପାଉଛୁ
କହିଦେ ମତେ ତୁ ଥରେ
ଗରଳ ବିଷକୁ ମୋ ଓଠେ ଢାଳୁଛୁ
ଛପା ଦେଇ ବହୁ ଦୂରେ ।।
କେତେ ଦିନ ଆଉ ଏମିତି ଚାଲିବ
ଧର୍ଯ୍ୟ ନାହିଁ ଆଉ ମୋର
ମରିଯାଅ ବୋଲି କହିଦେ ତୁ ମତେ
ଛାଡ଼ି ଯିବି ଏ ସଂସାର ।।