ମୋ ସ୍କୁଲ୍

ଜୀବନ ପଥର ପ୍ରଥମ ପାହାଚ

ଯେଉଁଠି ଛୁଇଁଛି ମୁହିଁ,

ସେହି ମୋ ସ୍କୁଲ୍ ସେହି ମୋ ସ୍କୁଲ୍

ଅତି ନିଜର ମୋ ପାଇଁ ।

କହିବା ପଢିବା ଲେଖିବା କୌଶଳ

ଶିଖିଛି ମୁଁ ଯେଉଁଠାରେ,

ସେହି ମୋ ସ୍କୁଲ୍ ସେହି ମୋ ସ୍କୁଲ୍

ଭୁଲିବିନି ଜୀବନରେ ।

କେତେ ସାଙ୍ଗସାଥୀ କେତେ ଭାଇଭଗ୍ନୀ

ପାଇଅଛି ଯହିଁ ମୁହିଁ,

ସେହି ମୋ ସ୍କୁଲ୍ ସେହି ମୋ ସ୍କୁଲ୍

ସରଗ ପୂର ମୋ ସେହି ।

ଚେତାଇ ଦେଇଛି ଭଲମନ୍ଦ ଯିଏ

ଦେଖାଇଛି ଭଲ ବାଟ,

ସେହି ମୋ ସ୍କୁଲ୍ ସେହି ମୋ ସ୍କୁଲ୍

ଧନ୍ୟ ମୁଁ ତାହାର ଚାଟ ।

ଅଜ୍ଞାନ ଅନ୍ଧାର ଦୂର କରି ମୋର

ଦେଇଛି ଯେ' ଜ୍ଞାନାଲୋକ,

ସେହି ମୋ ସ୍କୁଲ୍ ସେହି ମୋ ସ୍କୁଲ୍

ପାଇଛି ତା' ପାଇଁ ଭେକ ।

ଯାହା ପାଇଁ ମୁହିଁ ସମାଜରେ ଆଜି

ହାସଲ କରିଛି ସ୍ଥାନ,

ସେହି ମୋ ସ୍କୁଲ୍ ସେହି ମୋ ସ୍କୁଲ୍

ରଖିବି ତା'ର ସମ୍ମାନ ।