ସିନ୍ଦୁର

ନାରୀର ମଥାରେ ବଳାରୁଣ ସମ 

ଶୋଭିତ ବିନ୍ଦୁ ରୁଚିର, 

ଅପାର ଶକ୍ତିର ସମିଶ୍ରଣ ସିଏ 

ନାମଟି ତା'ର ସିନ୍ଦୁର l

ଧୌର୍ଯ୍ୟ ସାହସର ପ୍ରତୀକ ସିଏ ଯେ' 

 ସହିବାର ମୂଳମନ୍ତ୍ର, 

ପରକୁ ଆପଣା କରିବାର ସୂତ୍ର 

ତ୍ୟାଗ ତା'ର ଯେ' ମହତ l

ଶମନ ହୋଇଲେ ଯେତେ ବଳିୟାନ 

ପରାସ୍ତ ହୁଏ ତା' ଠାରେ, 

ବଂଶ ଉଦ୍ଧାରରେ ମୂଳପିଣ୍ଡ ସିଏ 

ସଦା ସର୍ବଦା ମହୀରେ l

ବାତ୍ସଲ୍ୟ ମମତା କରୁଣାର ସିନ୍ଧୁ 

ରହିଛି ତା' ଠାରେ ପୂରି, 

ବିପଦେ ଆପଦେ ସାହା ହୋଇଥାଏ 

ସକଳ ଶକତି ଧରି l

ନାରୀର ସମ୍ମାନ ଗୌରବ ବର୍ଦ୍ଧନ 

କରିଥାଏ ଜଗତରେ, 

ତା'ର ମହାନତା ସହନଶୀଳତା 

ଲେଖା ପୋଥି ପୁରାଣରେ l