ପବିତ୍ର ଭୂଇଁ

ରୂପ ଅନୁପମ ସୁଗୁଣ ସମ୍ପନ୍ନ

ସମ୍ପତ୍ତିର ଗନ୍ତାଘର

ବୀର ସନ୍ତାନଙ୍କ ଜନନୀ ଅଟେ ସେ

ସବୁଜିମା ତାର ଦ୍ୱାର ।

ଖାଦ୍ୟ, ବେଶ, ପୋଷାକ, କଳା ସଂସ୍କୃତି

ବର୍ଣ୍ଣିଲେ ସରିବ ନାହିଁ

ଦେବଦେବୀଙ୍କର ଆବିର୍ଭାବ ପୀଠ

ଅଟେ ମୋ ପବିତ୍ର ଭୂଇଁ ।

ସାରା ବିଶ୍ୱରେ ଅଟେ ସେ ପ୍ରସିଦ୍ଧ

ସଭିଙ୍କୁ ଆପଣା କରେ

ବିଭିନ୍ନତା ମଧ୍ୟେ ଏକତା ଶିଖାଇ

ସମ୍ପର୍କ ସୁଦୃଢ କରେ ।

ସ୍ନେହ ପ୍ରେମ ଦୟା ଭକ୍ତିର ପୁର

ଅଟେ ମୋ ଭାରତ ମାଟି

ତା କୋଳେ ଜନମି ଧନ୍ୟ ହେଲୁ ଆମେ

ଚରଣେ ଯିବା ଲୋଟି ।