ଲାଇବ୍ରେରୀ
ପ୍ରୋଫାଇଲ୍
ରଥ ଗଡିବ ବିଶ୍ୱ ହସିବ
ରଥ ଗଡିବ ବିଶ୍ୱ ହସିବ
ଚନ୍ଦ୍ର ସୂର୍ଯ୍ୟ ସମ ଜ୍ୱଳନ୍ତ ନୟନ
କରିବେ ପ୍ରଭୁ କରୋନା ଦହନ
ଭକତଙ୍କ ପ୍ରଭୁ ରଖିଲେ ମାନ
ଦର୍ଶନ ଦେବେ ଭକ୍ତ ଭଗବାନ
ବଡ଼ଦାଣ୍ଡ ହେବ ତିନି ରଥରେ ପୂର୍ଣ୍ଣ
ପୂର୍ଣ୍ଣ ହେଲା ଭକତଙ୍କ ବିଶ୍ୱାସ
ଆନନ୍ଦେ ଗଡିବ ରଥ
ଚତୁର୍ଧାମୂର୍ତ୍ତିକୁ ଦର୍ଶନ କରିବେ
ବେନି ନୟନରେ ଅଶ୍ରୁ ଭରିବେ
ଭାବବିନୋଦିଆ ବିଜେ କରିବେ
ଘରେବସିକରି ସର୍ବେ ଦେଖିବେ
ସୃଷ୍ଟି ରକ୍ଷା କରି ଦୁଷ୍ଟ ନାସିବେ
ପୂର୍ଣ୍ଣହେଲା ଭକତଙ୍କ ବିଶ୍ୱାସ
ଆନନ୍ଦେ ଗଡିବ ରଥ
ଟାହିୟା ହଲାଇ ଦୂରୁ ଡ଼ାକିବେ
ଗମ୍ଭିରାରୁ ଆସି ରଥେ ବସିବେ
ଜାତିଧର୍ମ ବର୍ଣ ଏକ କରିବେ
ତିନି ମୂର୍ତ୍ତି ରଥେ ବିଜେ କରିବେ
ଲୀଳାମୟ ପ୍ରଭୁ ଲୀଳା କରିବେ
ପୂର୍ଣ୍ଣହେଲା ଭକତଙ୍କ ବିଶ୍ୱାସ
ଆନନ୍ଦେ ଗଡିବ ରଥ
ଅଟକି ଅଟକି ରଥ ଗଡିବ
ଲାଲୀ ଅଧରରେ ହସିଣ ଦେବ
ଭାଇଭଗ୍ନୀଙ୍କୁ ସାଥିରେ ନେବ
ଲକ୍ଷ୍ମୀଙ୍କୁ ମନ୍ଦିରେ ଛାଡି ଆସିବ
ମାଉସୀ ମାଆ ଘରେ ଯାଇ ରହିବ
ପୂର୍ଣ୍ଣହେଲା ଭକତଙ୍କ ବିଶ୍ୱାସ
ଆନନ୍ଦେ ଗଡିବ ରଥ
ଲକ୍ଷ୍ମୀମାଆଙ୍କ କୋପ ଦେଖିବେ
ମାଉସୀ ମାଆ ଘରୁ ପ୍ରଭୁ ଆସିବେ
ସୁନାବେଶରେ ଦର୍ଶନ ଦେବେ
ରସଗୋଲା ଦେଇ ମାନ ଭାଙ୍ଗିବେ
ନୀଳାଦ୍ରୀନାଥ ବିଜେ ହୋଇବେ
ପୂର୍ଣ୍ଣହେଲା ଭକତଙ୍କ ବିଶ୍ୱାସ
ଆନନ୍ଦେ ଗଡିବ ରଥ ।
