Library
Profile
ରାକ୍ଷୀର ବନ୍ଧନ
ରାକ୍ଷୀର ବନ୍ଧନ
ରାକ୍ଷୀ ଧରି ହାତେ ଅପେକ୍ଷା କରିଛି
ଭାଇ ହାତେ ବାନ୍ଧିବାକୁ
ଭାଇ ପସନ୍ଦର ମିଠେଇ ରଖିଛି
ଖୋଇବାକୁ ଭାଇକୁ l
ଭାଇ ଭଉଣୀର ପବିତ୍ର ସମ୍ପର୍କ
ରେଶମ ଡୋରିରେ ବନ୍ଧା
ସ୍ନେହ ପ୍ରେମର ପବିତ୍ର ବନ୍ଧନ
ଯୁଗ ଯୁଗ ପାଇଁ ଛନ୍ଦା l
ବଳଦେବଙ୍କ ଜନମ ଦିନଟି
ଅତି ଆନନ୍ଦର ଦିନ
ଗୋମାତାଙ୍କୁ ପୂଜା କରନ୍ତି ସଭିଏଁ
ଲଗାଇ ସିନ୍ଦୁର ଚନ୍ଦନ l
ପିଠା ମିଠା କରି ଗାଈକୁ ଦିଅନ୍ତି
ଅତି ଶରଧା ମନେ
ଓଡ଼ିଆ ସଂସ୍କୃତି ପରମ୍ପରାକୁ
ପାଳନ୍ତି ସଭିଏଁ ଜନେ l
ଭାଇ ଭଉଣୀର ପବିତ୍ର ବନ୍ଧନ
ଜଗନ୍ନାଥ ସଂସ୍କୃତି
ରକ୍ଷା କରିବାକୁ ଚିରଦିନ ପାଇଁ
ଦିଅନ୍ତି ପ୍ରତିଶୃତି l
ଦି ହଜାର କୋଡିଏ ରକ୍ଷା ବନ୍ଧନରେ
ଭାଇଠାରୁ ଦୂରେ ରହି
ଠାକୁରଙ୍କୁ ମୁଁ ରାକ୍ଷୀ ବାନ୍
ଧିଦେବି
କରୋନା ନାଶ କହି l
କାଳିଆ ବଳିଆ ପରି ଦୁଇଭାଇ
ତୁମ କୃପାରୁ ପାଇଛି
ରେଶମ ଡୋରିଟି ବାନ୍ଧିଦେଇକରି
ଏତିକି ମୁଁ ମାଗୁଛି l
ଜଗତର ନାଥ ଆହେ ଜଗନ୍ନାଥ
କରୁଣା ତୁମେ କରିବ
ମୋର ଭାଇଙ୍କୁ ସହାୟ ହୋଇ
ସୁଖଶାନ୍ତି ଭରିଦେବ l
ଭାଇ କରିଦେଲି ତୁମ ଦୁହିଁଙ୍କୁ ମୁଁ
ରେଶମ ଡୋରିଟି ବାନ୍ଧି
ଚିରଦିନ ପାଇଁ ଭଉଣୀ ବନିଲି
ସମ୍ପର୍କରେ ହେଲି ଛନ୍ଦି l
କରିନିଅ ମୋତେ ସୁଭଦ୍ରା ଭଉଣୀ
ପବିତ୍ର ହେଉ ବନ୍ଧନ
ମୋ ପରିବାରକୁ ସୁଖଶାନ୍ତି ଦେଇ
ରଖିବ ତୁମେ ମାନ l
