ଲାଇବ୍ରେରୀ
ପ୍ରୋଫାଇଲ୍
ଏକ ଏକ
ଏକ ଏକ
1 min
457
ଏକ ଏକ ଫୁଲ ମିଶିଲେ ହୁଏ ଫୁଲର ହାର
ପ୍ରଭୁଙ୍କ ଗଳାରେ ଲମ୍ବଇ ଦିଶେ କେଡ଼େ ସୁନ୍ଦର।
ଏକ ଏକ ଜଳ ବିନ୍ଦୁରେ ଝରି ବରଷା ଧାର
ଜୀବଜଗତର ଆଧାର ଜଳ ଜଗତ ସାର।
ଏକ ଏକ ତାରା ଗଗନେ ଫୁଟି ସନ୍ଧ୍ୟା ସମୟେ
ବିତରନ୍ତି ଜ୍ୟୋତି ଧାରକୁ ଦେଖ କେତେ ସେନେହେ।
ଏକ ଏକ ବୃକ୍ଷ ମିଶିଲେ ବନ ରାଇଜ ହୁଏ
ଅନେକ ପଦାର୍ଥ ଯତନେ ଜୀବମାନଙ୍କୁ ଦିଏ।
ଏକ ଏକ ଶିଶୁ ଯୋଗରେ ଗଢା ଶିକ୍ଷା ମନ୍ଦିର
ବିନ୍ଦୁ ବିନ୍ଦୁ ଜ୍ଞାନ ବିଭବେ ସୃଷ୍ଟି ଜ୍ଞାନ ସାଗର।
ଏକ ଏକ ଜନ ଯୋଗରେ ଦେଶ ହୋଇଛି ଗଢା
ଐକ୍ୟ ଓ ସଂହତି ବଳରେ ବିଶ୍ୱେ ହୋଇଛି ଛିଡ଼ା।
