ଅନଲାଇନ୍ ଶିକ୍ଷା

ଶିଖିବା ପାଇଁ ସୁଯୋଗ ନାହିଁ

ବିଦ୍ୟାଳୟରେ ତାଲା

ଗୃହ ମଧ୍ୟରେ ବନ୍ଦୀ ଜୀବନ

ଯାତନା ବଢ଼ାଇଲା।

ସଭାସମିତି ପାଠପଢାଟି

କେମିତି ହେବ ଚିନ୍ତା

ଜନ ଗହଳି ଆଉ ଜମୁନି

ବାଉଳା ଦେଶ ନେତା।

ବନ୍ଧୁ ବାନ୍ଧବ ସୁତସୁତାଙ୍କ

ପାଖରୁ ଦୂରେ ରହି

ଦେଖା ସାକ୍ଷାତ ହୁଏ ବିଚ୍ୟୁତ

ଶାନ୍ତି ନମିଳେ କାହିଁ।

ଏପରି ବେଳ ଭରଚୁଆଲ

ହୋଇଲା ଆମ ସାଥୀ

ଅନଲାଇନ୍ ଶିକ୍ଷା ମିଳିଲା

ସମୟ ଯାଏ ବିତି।

ଆପଣା ପଣ ମୁଖ ଦର୍ଶନ

ଦେଖି ମଣିଷ ଛବି

ଅନ୍ତର ତଳୁ ଦୁଃଖ ବାଦଲ

ହଟି ଉଇଁଛି ରବି।

ପିଲାଙ୍କ ମୁଖେ ହସଟି ଖେଳେ

ପାଠପଢାକୁ ସାରି

ମିଳିମିଶିକି ଦେବେ ହଟାଇ

ଅଜ୍ଞାନ ବିଭାବରୀ।