ପ୍ରେମ ପାଇଁ ଦିନଟିଏ

ଆଜିର ଦିନଟି ତୁମ ନାମେ ପ୍ରିୟା

ମନରେ ଦିପାଳୀ ଜଳେ

ତୁମକୁ ଦେଖି ମୁଁ ସ୍ଥିର କରିଥିଲି

ଜିଣିବି ପ୍ରେମର ବଳେ।

ମନ ଦିଆନିଆ ହୋଇଥିଲା ସାଥୀ

ପତିପତ୍ନି ହେଲେ ଦୁହେଁ

ଜୀବନ ଆମର ଖରା ଛାଇ ଖେଳ

କେବେ ସୁଖ କେବେ ଲୁହେ।

କେବେ ଆନନ୍ଦରେ କେବେ ସଂଘର୍ଷରେ

କଟିଯାଏ ଆମ ଦିନ

ପ୍ରେମ ଜୁଆରରେ ଭଟ୍ଟା ଆସେନାହିଁ

ପ୍ରଫୁଲ୍ଲିତ ମନ ମୀନ।

ନଦେଖିଲେ ଦିନେ ତୋର ମୁଖଶଶୀ

ଲାଗେନା ଜମାରୁ ଭଲ

କେମିତି କହିବି ତୋତେଲୋ ସୁନ୍ଦରୀ

ଦେଇଛୁ ଜୀବନେ ଥଳ।

ହାତ ଧରି ତୋର ଚାଲିବା ଦିନରୁ

ଜଣା ପଡେ ନାହିଁ ବାଟ

ସୁଖରେ ସୁଖରେ ଦିନ ସରିଯାଏ

ଏମିତି ଜୀବନ ହାଟ।

ଜଗନ୍ନାଥଙ୍କର ଥାଉ ଶୁଭାଶିଷ

ଜୀବନର ଚଲାପଥେ

ଜୀବନ ହାଟରୁ ସଉଦା ସରିଲେ

ନେଇଯିବେ ଦିବ୍ଯ ରଥେ।