ସ୍ପନ୍ଦନ

ତୁ ମୋ ସ୍ପନ୍ଦନ ତୁ ମୋ ଜୀବନ

ତୁ ମୋ ହୃଦୟ ରାଣୀ

ତୁ ଥିଲେ ପାଖେ ନୟନ ଲାଖେ

ଚିଡାଏ ତୋତେ ଜାଣି।

ତୋ ପାଇଁ ମୁହିଁ କରିନି କିଛି

ତଥାପି ପାଉ ଭଲ

ମୋ ମନ ବୁଝୁ ମୋ ସାଥେ ହଜୁ

ରୂପତୋ ଝଲମଲ।

ଚୁଡିର ସ୍ବର ପାଦେ ନୁପୁର

ମନକୁ ନିଏ ଟାଣି

ଚଞ୍ଚଳ ମନ ବଡ଼ ଉଛନ୍ନ

ତୋଳିବା ପାଇଁ ରାଣୀ।

ଦିବସେ ଯେବେ କରମ କରେ

ତୋଠାରୁ ଦୂରେ ରହି

ହୃଦୟ ମୋର ଝୁରଇ କେତେ

ମୁହଁରେ ନୁହେଁ କହି।

ହୃଦ ସ୍ପନ୍ଦନ ଯେତିକି ଦିନ

ସଂସାରେ ଚାଲୁଥିବ

ପ୍ରଶ୍ବାସେ ମୋର ତୋହରି ନାଆଁ

ସ୍ପନ୍ଦିତ ହେଉଥିବ।