ରଖିବି ଜନନୀ ମାନ
ରଖିବି ଜନନୀ ମାନ
ଭାରତ ବାସୀ ମୁଁ ଭାରି ସାହାସୀ
ଧନ୍ୟ ମୋ ଜନମ ଭୂଇଁ
ତାହାରି କୋଳରେ ଜନମ ନେଇଛି
ତା ସେବା କରିବି ମୁହିଁ ।
ମୋ ପୂର୍ବ ପୁରୁଷ ଗୌରବ ମୋହର
ଦେଇଥିଲେ ପ୍ରାଣ ଦାନ
ତାଙ୍କରି ରକତୁ ଜନମ ଲଭିଛି
ରଖିବି ଜନନୀ ମାନ ।
ସ୍ୱର୍ଣ୍ଣପ୍ରସୂ ଏହି ଭାରତ ଭୂଇଁରେ
ଜନମିଲେ କେତେ ବୀର
ମାଆର ସମ୍ମାନ ଉଚ୍ଚ କରିବାକୁ
ତୋଳିଲେ ସଂଗ୍ରାମ ସ୍ୱର ।
ପରାଧୀନତାର ଅନ୍ଧାର ଦୂରେଇ
ଶାନ୍ତିର ବାରତା ଦେଇ
ସହିଦ୍ ହୋଇଲେ କେତେ ମହାବୀର
ଆମରି ଜନନୀ ପାଇଁ ।
ବୀର ସହିଦଙ୍କୁ ପ୍ରାଣାମ ମୋହର
ଅନ୍ତରରୁ ଶ୍ରଦ୍ଧାଞ୍ଜଳି
ତୁମକୁ ଜଗତ ମନେ ରଖିଥିବ
ନ ପାରିବ କେବେ ଭୁଲି ।