ଛାତ୍ରଛାତ୍ରୀ

ଶିଶୁଟି ଚାଲଇ   ଅଭ୍ୟାସ ବଳରେ

    ଶେଷେ ହୁଅଇ ସଫଳ ।

ଛାତ୍ରଛାତ୍ରୀ ଯଦି  ଧ୍ୟାନ ପାଠେ ଦ୍ୟନ୍ତି  

     ପାଆନ୍ତି ଉତ୍ତମ ଫଳ ।

ଶିକ୍ଷକଙ୍କ ବାଣୀ ଛାତ୍ର ଜୀବନ ରେ 

    କରେ ଯେ ନିତି ପାଳନ 

 ଭବିଷ୍ୟତ ପାଇଁ ସେହି ଶିକ୍ଷାର୍ଥୀ ର 

    ହୋଇଥାଏ ମୂଲ୍ୟବାନ ।

  ସମୟର ସ୍ରୋତ ବହିଚାଲି ଯିବ

     ଗୋଟେ କଥା ଥିବ ରହି 

  ଶୃଙ୍ଖଳା ଶିକ୍ଷାଟି ଛାତ୍ର ଜୀବନର 

    ସଦା ଯେ ପ୍ରେରଣାଦାୟୀ ।

 କେଉଁ ପରିବେଶେ  କିପରି ଚଳିବ

      ଛାତ୍ର ଯାହା ଶିଖିଥାଏ  

  ସେହି ସବୁ ଶିକ୍ଷା ଜୀବନେ ଲଗାଇ

     ଉତ୍ତମ ବ୍ୟକ୍ତିତ୍ୱ ହୁଏ ।

ବିଦ୍ୟାଳୟ ଆଉ  ନିଜର କୁଟୀର 

   ଭିତରକୁ ଯେବେ ଯିବ

ଦ୍ୱାରଦେଶ ପାଖେ ଗର୍ବ ଓ ଚପଲ

   ସଦା ଥୋଇଦେଇ ଥିବ ।

ବଡ଼କୁ ସମ୍ମାନ ଛୋଟ ପ୍ରତି ସ୍ନେହ 

   ଏହି ଦୁଇ ମନେ ରଖ 

ଭଲ କଥା ଯଦି  ଶିଖିବାକୁ ମିଳେ 

    ସ୍ଥାନପାତ୍ର ଭୁଲି ଶିଖ ।

ଛାତ୍ର ଜୀବନର ଉନ୍ନତିର ପଥ 

   ଛାତ୍ରର ଜିଜ୍ଞାସୁ ଭାବ 

ଜାଣିବାର ଇଚ୍ଛା ଉପରକୁ ନିଏ

   ସଦାରଖ ଏ ସ୍ୱଭାବ ।