କିପରି ହୋଇବ କଥା ?
କିପରି ହୋଇବ କଥା ?
ମାଆ ସହ ଯେବେ କଥା ହେଉଥିବ
ପ୍ରେମେ ଭାବେ କଥା ହେବ
ବାପା ଙ୍କ ସହିତ ସମ୍ମାନ ର ସହ
କଥା ହେଲେ ନ ଭୁଲିବ I 0 I
ସତ୍ୟତା ର ସହ ପତ୍ନୀ ଙ୍କ ସାଙ୍ଗରେ
କରିବ ଯେ ବାର୍ତ୍ତାଳାପ
ଖୋଲା ହୃଦୟ ରେ ଭାଇ ସହିତ ରେ
କରିପାର ଗପସପ I 1 I
ଭଗିନୀ ସହିତ କଥାବାର୍ତ୍ତା କଲେ
ସ୍ନେହ ରେ ଯେ କଥା କୁହ
ଶିଶୁ ମାନଙ୍କର ସହ କଥା ହେଲ
ଉତ୍ସାହ ନିଶ୍ଚୟ ଦିଅ I 2 I
ବନ୍ଧୁ ସହ ଯେବେ କଥା ହେଉଥିବ
ପ୍ରଫୁଲ୍ଲ ଚିତ୍ତ ରହିବ
ସମ୍ପର୍କୀୟ ସହ କଥାଭାଷା ହେଲେ
ସବୁ କୁ ଗୁରୁତ୍ୱ ଦେବ I 3 I
କର୍ମୀ ସହ ଯଦି ହେଉ ଥାଅ କଥା
ସାହସୀ କଥା କହିବ
ରାଜନେତା ସହ ଯଦି କଥା ହୁଏ
ସତର୍କତା ଧ୍ୟାନ ଦେବ I 4 I
ବଡ଼ଲୋକ ସହ ହେଉଥିଲେ କଥା
ଶିଷ୍ଟାଚାର ଧ୍ୟାନ ଦେବ
ଗ୍ରାହକ ସହିତ ଯେବେ ହୁଅ କଥା
ସାଧୁତା ନିଶ୍ଚେ ରଖିବ I 5 I
ଦୋଷୀସହ ଯଦି ହେଉଥାଅ କଥା
କଠୋର ନିଶ୍ଚେ ହୋଇବ
ଏହି ସବୁ କଥା ପ୍ରତି ମୁହୂର୍ତ୍ତ ରେ
ନିଶ୍ଚୟ ମନେ ରଖିବ I 6 I
ନିଜ ଆଚରଣ ନିଜ କଥାବାର୍ତ୍ତା
ବ୍ୟକ୍ତି ପରିଚୟ ଦିଏ
ସ୍ଥାନକାଳ ପାତ୍ରେ କଥାର ମହତ୍ତ୍ୱ
ବୁଝିଲେ ଭୁଲ ନ ହୁଏ I 7 I