Library
Profile
କାହିକି ତୁମକୁ ଡର ( ଶିଶୁ କବିତା
କାହିକି ତୁମକୁ ଡର ( ଶିଶୁ କବିତା
ଗୀତା କହୁଅଛି ମାଆଲୋ ମୋତେ ଯେ
ଲାଗୁଅଛି ବହୁଡର
କେଜାଣି କେମିତି ପରୀକ୍ଷI ଆସିଲା
କଣ ଲେଖିବି ଉତ୍ତର I
ଶିକ୍ଷକ ଶ୍ରେଣୀରେ ସୁନ୍ଦର ପଢ଼ାନ୍ତି
ସବୁ ବୁଝିହୁଏ ନାହି
ମନର ସନ୍ଦେହ ରହିଗଲା ଯଦି
ଅବୁଝା ରୁହଇ ସେହି I
ଆସନ୍ତା କାଲିଠୁ ମାସିକ ପରୀକ୍ଷI
ଶିକ୍ଷକ ଅଛନ୍ତି କହି
ଭଲ ଅଙ୍କ ଯଦି ତାଙ୍କ ବିଷୟରେ
ନ ମିଳିଲେ ତ୍ରାହି ନାହିଁ I
ହାତଗୋଡ଼ ପିଠି ଯଷ୍ଟି ସାହାଯ୍ୟରେ
ଆମକୁ ମିଳିବ ଦଣ୍ଡ
ଯିଏ ଭୁଲ କଲା ରକ୍ଷI ନାହିଁ ଜମା
କିପରି ରଖିବି ପିଣ୍ଡ I
ଶିକ୍ଷକ ଙ୍କ ଗାଳି ଶୁଣିଲେ ମୋହର
ଦେହ ରୁ ବହଇ ଝାଳ
ଏବେଠୁ ଚିନ୍ତିତ ହେଲାଣି ମୋ ମନ
ହେଉଅଛି କଲବଲ I
କେଉଁ ଉପାୟରେ ଉତ୍ତର ଲେଖିଲେ
ଆସିବ ଅଙ୍କ ଉତ୍ତମ
ତ୍ରୁଟିଯୁକ୍ତ ଯଦି ଉତ୍ତର ଲେଖିବି
ହେବ ଉତ୍ତମମଧ୍ୟମ I
ଶୁଣି ଗୀତା କଥା କହୁଛନ୍ତି ମାଆ
ଝିଅ ମନ ଦେଇ ଶୁଣ
ପାଠ ଠାରୁ ଭଲ ଆଉ କିଛିନାହିଁ
ଏ କଥା ସର୍ବଦା ଜାଣ I
ବିଦ୍ୟାଳୟ ଅଟେ ଜ୍ଞାନର ମନ୍ଦିର
ଜ୍ଞାନ ଅରଜନ ପାଇଁ
ଛୋଟ ଶିଶୁଟିର ନାମ ବାପା ମାଆ
ଦିଅନ୍ତି ସେଠି ଲେଖେଇ I
ବିଭିନ୍ନ ବିଷୟ ଛାତ୍ରଛାତ୍ରୀ ଆଗେ
ଶିକ୍ଷକ ଦ୍ୟନ୍ତି ବୁଝେଇ
ଉତ୍ତମ ଶିକ୍ଷIର୍ଥୀ ତାହାକୁ କହିବା
ଅବୁଝା ଯେ ପଚାରଇ I I
ନିତ୍ୟ ଅଭ୍ୟାସ ରେ ପାଠ ଭଲ ହୁଏ
ସୁନ୍ଦର ବି ହସ୍ତାକ୍ଷର
ଜାଣିବାକୁ ଯିଏ ସର୍ବଦା ଇଚ୍ଛଇ
ସଫଳତା ମିଳେ ତାର I
ବିଦ୍ୟାର୍ଥୀ ଯଦ୍ୟପି ନିଜ ତ୍ରୁଟି ଜାଣି
ନିଜକୁ ସଜାଡି ନିଏ
ସଫଳତା ନିଶ୍ଚେ ପାଇପାରିଥାଏ
ବିଫଳ କେବେ ନ ହୁଏ I
ପ୍ରତି ବିଷୟରେ ମନ ଧ୍ୟାନଦେଇ
କରଇ ଯେ ଅଧ୍ୟୟନ
ମାର୍ଜିତ କରଇ ନିଜ ଜୀବନକୁ
ସଂସ୍କାରେ ପ୍ରତିଫଳନ I
କୌଣସି ବିଷୟ ଅବୁଝା ରହିଲେ
ପଚାରିବ ବାରମ୍ବାର
ଥରେ ବୁଝିଯାଇ ନିତ୍ୟ ଅଭ୍ୟାସିଲେ
ପାଠ ବି ଲାଗେ ମଧୁର I
ପରୀକ୍ଷI କୁ ଡର କେବେ ହେ ନକର
ଆତ୍ମବିଶ୍ୱାସ ଯେ ରଖ
ବିଦ୍ୟା ମହାଧନ ବଢ଼ାଏ ସମ୍ମାନ
ଏହି କଥା ଟିକୁ ଶିଖ I
ବିଦ୍ୟାର୍ଥୀ ସଫଳ ପାଇଁ ମୂଳମନ୍ତ୍ର
ଅଟଇ ଅଧ୍ୟବସାୟ
ପରିଶ୍ରମ ବଳେ ସକଳ ସମ୍ଭବ
କର ନା ତିଳେ ତୁ ଭୟ I
ମାଆ କଥାଶୁଣି କହୁଅଛି ଗୀତା
ଖୋଲିଦେଲ ଆଖି ମୋର
ଅବୁଝା ବିଷୟ ବୁଝିବା ପାଇଁକି
ପ୍ରସ୍ତୁତ ଝିଅ ତୁମର I
ଝିଅ କଥା ଶୁଣି ହସ୍ତ ପରଶ ରେ
ମଥା ଛୁଇଁ ଆଶୀର୍ବାଦ
ମାଆ କହୁଛନ୍ତି ସଫଳତା ପାଅ
ଲଢ଼ି ଜୀବନ ର ଯୁଦ୍ଧ I
