ସ୍ୱାଭିମାନ

ଅହଂଭାବ ଆଉ ସ୍ୱାଭିମାନ

ଦୁଇଟି ବିପରୀତ ମନୋଭାବ;

ଅହଂଭାବ, ଅହଙ୍କାର ସହ ଅଭିମାନ,

ସ୍ୱାଭିମାନଟି ସକାରାତ୍ମକ ଅଭିମାନ l

ସମୁଦ୍ର ବେଳାଭୂଇଁରେ ଯେବେ

ଛାଡ଼ିଯାଏଁ ନିଜ ଚିହ୍ନ,

କାହିଁକି ଲହଡ଼ି ଆସି

ଧୋଇନିଏ ସବୁ ସପନ l

ଗଢିଚାଲେ ସ୍ବପ୍ନର ବାଲିଘର

କାହା ପଦାଘାତରେ ଭାଙ୍ଗିଯାଏ,

ତଥାପି ମୋ ସ୍ୱାଭିମାନ ପାଇ

ଅନେକ ବାଲିଘର ଗଢୁଥାଏ l

ଦୁନିଆ ନକହୁ ମୋତେ

ଭୀରୁ କାପୁରୁଷ ବୋଲି,

ଏମିତି ସବୁଦିନ ଚାଲିଥାଉ

ମୋ ଜୀବନର ଲଢ଼େଇ l

ମୋ ଦେହେ ନ ଲାଗୁ

କେବେ କଳଙ୍କର ଚିହ୍ନ,

ମୋ ସ୍ୱାଭିମାନ, ମୋ ଗର୍ବ

ସଦା ରହୁ ଅକ୍ଷୂର୍ଣ୍ଣ l