ମୁଁ ବହୁତ ଖୋଜିଛି ଖୁସିକୁ
ମୁଁ ବହୁତ ଖୋଜିଛି ଖୁସିକୁ
କୁହ ଥରେ...
ଦେଖିଛ କି...
ଖୁସିକୁ...
ଖୋଜିଛି ତାକୁ ମୁଁ...
ସମୁଦ୍ରର ବେଳାଭୂମିରେ,
କୋଣାର୍କର ଚିତ୍ରପଟ୍ଟରେ,
ସୁନେଲି ଜୋଛନାରେ,
ଇନ୍ଦ୍ରଧନୁର ସପ୍ତରଙ୍ଗରେ,
ମରୁଭୂମିର ମରୀଚିକାରେ,
ଗୋଲାପର କଢ଼ିରେ l
ଆହୁରି ଖୋଜୁଛି....
ଗାଧୁଆ ତୁଠରେ,
ବଇଁଶୀ ସ୍ଵରରେ,
ଆମ୍ବ ତୋଟାରେ,
ଗାଁ ଚାଲଘରେ,
ସହର କୋଠାରେ,
ରାତିର ସପନରେ,
ତଥାପି...
ପାଉନି ଖୁସିକୁ l
କୁହ ଥରେ....
କିଏ ଦେଖିଛ ଯଦି,
ନହେଲେ...
ତମ ବ୍ୟସ୍ତ ଜୀବନରୁ...
କିଛି ସମୟ କାଢ଼ି...
ସାଥି ହୋଇ ଖୋଜିବା...
ମୋ ଖୁସିକୁ l
ତୁମେ ବି ତ...
ସେଇ ଖୁସିର...
ନିଜ ଲୋକ,
ମୁଁ ଜାଣିଛି...
ତୁମକୁ ବି ଦରକାର....
ସେଇ ଖୁସି,
ହେଲେ...
ତୁମ ପାଖରେ...
ସମୟ କାହିଁ l
ସମୟ ପାଇଲେ...
କହିବ ନିଶ୍ଚୟ...
ଖୋଜିବା ସାଥିହୋଇ,
ନିଖୋଜ ଖୁସିକୁ...
କୋଉ ଅଲଗା...
ସହର ଯାଇ ।।