ସ୍ନାନ ଯାତ୍ରା

ବରଷ କେ ଥରେ ତୁମେ ଆସୁଅଛ

      ଭକତ ପାଖକୁ ଧାଇଁ

      ଆହେ ମୋ କଳା ଗୋସାଇଁ ।

ତୁମ ପାଇଁ ଖୋଲିଲା ସୁନା କୂପ 

      ଗାଧୋଇବ କଳା ଶ୍ରୀ ମୁଖ

      ହରି ନେବ ସବୁ କ୍ଲେଶ ପାପ ।

ଆସିବ ତୁମେ ଭାଇ ଭଉଣୀ ନେଇ

       ବସିବ ସ୍ନାନ ମଣ୍ଡପେ ଯାଇ

       ଦେଖିବ ଭକତ ଙ୍କୁ ଚାହିଁ ।

ଶହେ ଆଠ ଜଳେ ସ୍ନାନ ହୋଇବ

       ତୁମ ସ୍ନାନ କୁ ଜଗତ ଦେଖିବ

       ମହା ସ୍ନାନ ତୁମେ କରିବ ।

ହୋଇବ ଗଜାନନ ବେଶ ତୁମର

        ଭକ୍ତ ପାଇଁ ଲୀଳା ତୁମର

        ଆହେ ମୋ କଳା ଠାକୁର ।

ଅଣସର ଘରେ ତୁମେ ରହିବ

         ତୁମକୁ ଜ୍ୱର ହୋଇବ

         ଦଶ ମୂଳ ରସ ତୁମେ ଖାଇବ

ହୋଇବ ନେତ୍ର ଉତ୍ସବ ତୁମର ।

         ନବ ଯୌବନ କି ମନୋହର

         ରଥ ପଥ ଡାକିବ ବିଜେ ହୁଅ ଠାକୁର ।