ଯୋଗ

ଆସ ମୋ ପ୍ରବାସୀ ଓଡ଼ିଆ ଭାଇ

କ୍ୱାରେଣ୍ଟାଇନରେ ଅଛଯେ ଶୋଇ ।

କରିବା ଯୋଗରେ ଉଠ ସମସ୍ତେ

ଏକା ଏକା ଆଉ ବସିବା କେତେ ।

ଉଠିବା ରେ ନିତି କାଳି ଅନ୍ଧାରୁ

ସୁରୁଯ ଉଦୟ ହେବା ଆଗରୁ ।

ନିତ୍ୟକର୍ମ ସାରି ସବୁ ଆସିବା

ଆସନ ପକାଇ ଯୋଗ କରିବା ।

ନାନା ଆସନରେ କରିବା ଯୋଗ

ଯୋଗଦ୍ୱାରା ଦୂର ହୋଇବ ରୋଗ ।

କରିବା ଆସନ ଓ ପ୍ରାଣାୟମ

ବାଳସୁର୍ଯ୍ୟଙ୍କୁ କରିବା ପ୍ରଣାମ ।

ସକାଳ ପବନ ଦେହକୁ ହିତ

ଚଳ ଚଞ୍ଚଳ ହେବ ଗୋଡ଼ହାତ।

ସୂର୍ଯ୍ୟଙ୍କୁ ଅନାଇ ଟେକିବା ହାତ

କହିବା ଉଦ୍ଧାର ଜଗତ ନାଥ ।

ସଞ୍ଜ ଗଡ଼ିଗଲେ ପଢିବା ଗୀତା

ଆପଣା ମଧ୍ୟେ ରଖିବା ଦୂରତା ।

କରିବା ଭୋଜନ ଆନନ୍ଦ ମନେ

ମାଆ ଅନ୍ନପୂର୍ଣ୍ଣା ଙ୍କୁ ରଖି ଧ୍ୟାନେ ।

ଶୋଇବାକୁ ଯିବା ବିଭୂ ସୁମରି

କରୁଣା କରିବେ ବାଙ୍କ ବିହାରୀ ।