ଅଜା ହୋଇଗଲେ ଖପା

ଅଜାଆଈ ଗଲେ ସିନେମା ଦେଖି

ଅଜା ଆଣିଥିଲେ ଟିକେଟେ କାଟି ,

ପହଞ୍ଚିଲେ ଯାଇ ସିନେମା ଘରେ

ଆଈଙ୍କୁ ନେଇ,

ଆଗ ସିଟ ରେ ବସିଲେ ଯାଇ ।

ଟିକେଟ ଚେକର ଆସିଲା ପଶି

ଦେଖିଲା ଟିକେଟ ମାରି ଲାଇଟ,

ଏଇଟା ତୁମର ନୁହଁ ସିଇଟ

କହିଲା ଆସ,

ପଛ ସିଟ ରେ ଯାଇକି ବସ ।

ଅଜା ବୁଢା ରାଗେ ହୋଇଲେ ଖପା

କହିଲେ ଆରେ ହେ ବାଳୁଙ୍ଗା ଟୋକା,

ଶହେ ଟଙ୍କା ଦେଇ କଲି ଟିକେଟ

ମାରୁ ଫୁଟାଣି ,

ପଛରେ ବସିବି ପଇସା ଗଣି ।

ଦେଖିଲେ ସିନେମା ହୋଇଲେ ଖୁସି

ଖିଲି ପାନ ଖଣ୍ଡେ କଳରେ ଜାକି ,

ପରଦା ଉପରେ ସାପ କୁ ଦେଖି

ଛାଡିଲେ ରଡି ,

ବଙ୍କୁଲୀ ବାଡ଼ିରେ ଦେଲେ ଦି"ବାଡ଼ି ।

ଧୋବଲା ପରଦା ଗଲାଟି ଛିଡି

ସିନେମା ବାଲାଏ ଆସିଲେ ମାଡ଼ି ,

ଗୋଟାକେତେ ଦେଲେ ଅଜାଙ୍କୁ କସି

ଡେଣା କୁ ଧରି ,

ହଲ ରୁ ଦେଲେ ବାହାର କରି ।

ସେଇ ଦିନଠାରୁ ଅଜା ଓ ଆଈ

ସିନେମା ଦେଖା କୁ ମଙ୍ଗିଲେ ନାହିଁ ,

କହିଲେ କହନ୍ତି ଦୂରୁ ଜୁହାର

କି"ଦଶା ହେଲା ,

ମାଡଖିଆ ସାଥେ ପଇସା ଗଲା ।