Library
Profile
ଚାରିଆଡେ ଏବେ ଚହଳ
ଚାରିଆଡେ ଏବେ ଚହଳ
ବୁଢା ବରଗଛ ଓହଳ
ଚାରି ଆଡେ ଏବେ ଚହଳ
ବଣ କାଟି ସବୁ ସଫା କରିଦେଲୁ
ପାହାଡ଼କୁ ସବୁ ଲଣ୍ଡା କରିଦେଲୁ
ସବୁଜିମା ଏବେ ହଜିହଜି ଯାଏ
ପଡିବରେ ନିଶ୍ଚେ ଅକାଳ
ଚାରିଆଡେ ଏବେ ଚହଳ..
ଦାନ୍ତ ନିକୁଟୁଛି ଟାଙ୍ଗେରା ଭୂଇଁ ତ
ମାଟି ଯାଉଅଛି ଧୋଇ
ପଥର ଖସୁଛି ଲଣ୍ଡା ପାହାଡରୁ
ପୋତି ହୋଇଯାଏ ନଈ
ବେଳ ଯାଉଅଛି ବିଗିଡି
ଧାନ ହେଉଅଛି ଅଗାଡି
ଫସଲ ଯାଉଛି କ୍ଷେତରୁ ଉଜୁଡି
ଚଷାପୁଅ ହୁଏ ବିକଳ
ଚାରିଆଡେ ଏବେ ଚହଳ..
ବଣ
ୁଆ ହାତୀ ତ ଗାଁରେ ପସନ୍ତି
ବଣ ଆଉ ନାହିଁ ବୋଲି
ମଉଷୁମୀ ଆସେ ମାଟି ଦୁଲୁକେଇ
ମେଘ ଯାଏ ବାଟ ଭୁଲି
ବଢି ପରେପରେ ମରୁଡି
ଫସଲ ଦେଉଛି ଉଜାଡି
କୋପ କରୁଅଛି ପ୍ରକୃତି ରାଣୀ ଲୋ
ଦୁଃଖ ହେଉଅଛି ବହଳ
ଚାରିଆଡେ ଏବେ ଚହଳ..
ଗଛ ଭରିଦେଲେ ଦିଗ ଚଉଦିଗେ
ପବନ ବହିବ ମିଠା
ବଣ ପଶୁ ପକ୍ଷୀ ବଣରେ ରହିବେ
ହେବେ ନାହିଁ ହଟହଟା
ଚୋରା ଚଇତାଳି ପବନ
ହେବନିରେ ଆଉ ସପନ
ଜୀବନ ଲାଗିବ ମଧୁ ରୁ ମଧୁର
ଗଛ ହୋଇଗଲେ ଗହଳ
ଚାରିଆଡେ ଏବେ ଚହଳ..।
