ବୀର ଯବାନ

ସହଜ ନୁହଁଇ ପରିଜନ ଠାରୁ ଦୂରକୁ ଯିବା,

ନିଜ ସ୍ବାର୍ଥ ଭୁଲି ଦେଶବାସୀ ପାଇଁ ଜୀବନ ଦେବା ।

ଅଭୟ ନିଦ ରେ ଶୋଉଚି ଆଜି ଦେଶ ର ଜନ,

ସୀମାନ୍ତ ରେ ଜଗି ରହିଛି ଆମ ବୀର ଯବାନ ।

ଖରା, ବର୍ଷା, ଶୀତ, କାକର ତିଳେ ନିଘା ନଦେଇ,

କର୍ତ୍ତବ୍ୟ ତା କରିଚାଲିଛି ସେ ଯେ ନିଡର ହୋଇ ।

ଘରଣୀ ର ପ୍ରେମ ଆଦର ଆଉ ସ୍ନେହ ର ଡୋରି,

ବୋଉ ହାତ ଉଷ୍ଣ ପରଶ ମନେ ହେଉଛି ଝୁରି ।

ବୁଢ଼ା ବାପା ର ସେ ସାହାରା ଶେଷ ଜୀବନ କାଳେ,

ଭାବଇ ତା' କୁନି ଛୁଆକୁ କେବେ ଧରିବ କୋଳେ ।

ତ୍ୟାଗ ର ଜ୍ୱଳନ୍ତ ଉଦାହରଣ ପରା ଅଟଇ ସେହି,

ଜନମ ଭୂମି ର ସୁରକ୍ଷା ଲାଗି ଦିଏ ରକତ ବାହି ।

ଦେଶ ର ପ୍ରକୃତ ସେବକ ଆମ ଯବାନ ଭାଇ,

କୋଟି ଜନ ତାଙ୍କୁ ପ୍ରଣାମ କରେ ମଥା ନୁଆଁଇ ।