Library
Profile
ପ୍ରେମରେ ପ୍ରଶ୍ନ
ପ୍ରେମରେ ପ୍ରଶ୍ନ
ବଡ଼ ଅମାନିଆ ଏହି ଅବୁଝା ମନ
ପ୍ରଶ୍ନ କରେ ଆଉ କରେ ଅଭିମାନ,
ଆଶାର ସଳିତା ଜାଳି ଅପେକ୍ଷାରେ ରହେ
ଉତ୍ତରର ପ୍ରତୀକ୍ଷାରେ ବାରମ୍ବାର କରେ ପ୍ରଶ୍ନ |
ବୁଝେ ନାହିଁ ସିଏ ପ୍ରେମର ଭାଷା
କିବା ଅବା ବୁଝି ଅବୁଝା ହୁଏ,
ଜୀବିତ ରଖେ ଉତ୍ତର ପାଇବାର ଆଶା
ପ୍ରେମର ରଙ୍ଗରେ ନିଜକୁ ରଙ୍ଗେଈ ଦିଏ |
ଜାଣିଛି ପ୍ରେମ ଅଟେ ସତ୍ୟ, ସୁନ୍ଦର
ତଥାପି ସିଏ ପ୍ରଶ୍ନ କରେ ବାରମ୍ବାର,
ନୀରବତା ତାକୁ ବଡ଼ ବିବ୍ରତ କରେ
ସେଥିପାଇଁ ଖୋଜେ ତାର ପ୍ରଶ୍ନର ଉତ୍ତର |
ନୀରବତା ତ ନୁହେଁ କେବେ କାହାର
କିନ୍ତୁ କରେ ସିଏ ବଡ଼ ଅତ୍ୟାଚାର,
ପ୍ରେମରେ ସୃଷ୍ଟି କରେ କେତେ ମନାନ୍ତର
ଆଉ କେବେ କରେ ପରସ୍ପରକୁ ଦୂର |
<
/p>
ପ୍ରେମରେ ସୃଷ୍ଟି କରି ଭ୍ରମର ଜୁଆର
ବହି ଯାଏ ହୋଇ ଅଶ୍ରୁର ଧାର,
ବୁକୁରେ ଚାପି ରଖେ କୋହ ଅପାର
ହୃଦୟକୁ ଦିଏ ଅନେକ ଦୁଃଖର ପ୍ରହାର |
କେବେ କେବେ ଏହି ପ୍ରେମରେ ପ୍ରଶ୍ନ
ପ୍ରେମର ସମ୍ପର୍କରୁ ତିକ୍ତତା କରେ ଦୂର,
ହୃଦୟକୁ ବାନ୍ଧେ ଏକ ନିବିଡ଼ତାର ଡୋର
ସୃଷ୍ଟି କରେ ସୁନ୍ଦର ସଙ୍ଗୀତ, ପ୍ରେମର |
ମନ ଆଉ ହୃଦୟ ହୁଅନ୍ତି ଏକାକାର
ବାନ୍ଧେ ତାଙ୍କୁ ଏହି ଅଦୃଶ୍ୟ ଡୋର,
ପ୍ରେମର ମାଦକତା କରେ ପ୍ରେମୀଙ୍କୁ ବିଭୋର
ଲୁଚି ଯାଏ ଭାବ, ପ୍ରଶ୍ନ ଉତ୍ତରର |
ପ୍ରେମର ଉତ୍ପନ୍ନ ହୁଏ କିଛି ପ୍ରଶ୍ନରୁ
କିଛି ମିଠା ମିଠା ଅନୁଭବର ସ୍ମୃତିରୁ,
ପ୍ରଶ୍ନ ବି ଅନ୍ତ କରେ ପ୍ରେମକୁ
ବୁଝିବା ବଡ଼ କଷ୍ଟ ପ୍ରେମରେ ପ୍ରଶ୍ନକୁ |
