ଶ୍ରୀକୃଷ୍ଣ କର୍ଣ୍ଣାମୃତ

କସ୍ତୁରୀ ତିଳକ ଲଲାଟ ପଟଳେ

     ବକ୍ଷେ କୋଉସ୍ତୁଭ ମଣି

କରରେ କଙ୍କଣ ବେଣୁହସ୍ତେ ଶୋଭା

     ନାସାଗ୍ରେ ମୁକ୍ତା ବସଣି l

ହରି ଚନ୍ଦନକୁ ସର୍ବାଙ୍ଗରେ ବୋଳି

     କଣ୍ଠ ଶୋଭା ମୁକ୍ତାବଳି

ଶ୍ରୀଗୋପାଳ ଚୁଡ଼ାମଣି ମଧ୍ୟେ ବିଜେ

     ବେଢ଼ିଛନ୍ତି ଗୋପ ବାଳି l

ମଧୁରେ ବାଜଇ ମୋହନ ମୁରଲୀ

      ଗୋପୀଗଣ ହୋଇ ବୃନ୍ଦ

ରାସବିନୋଦରେ ରସ ବିନୋଦିଆ

      ସ୍ୱର୍ଗେ ଦେଖନ୍ତି ବିବୁଧ l

ଆନନ୍ଦେ ମଗନ ଗୋପ ବୃନ୍ଦାବନ

       ଯମୁନା ବହେ ଉଜାଣି

ତାରାବଳୀ କିବା ବେଢ଼ି ରହିଛନ୍ତି

        ମଧ୍ୟେ ବିଜେ ନିଶାମଣି l

ଜଗତ ଆନନ୍ଦ ଜଗଦାନନ୍ଦଙ୍କ

       ଲୀଳା ବିଲୋକନ କରି

ଦୁନ୍ଦୁଭି ବାଜଇ ଡିବି ଡିବି ହୋଇ

      ସ୍ୱର୍ଗେ ନାଚନ୍ତି ଅପ୍ସରୀ l

ମଧୁ ନିଶି ବ୍ରହ୍ମ ଯାମ ପରକାଶି

     ନଭେ ଉଦେ ପୂର୍ଣ୍ଣ ଚାନ୍ଦ

ବାରେ ଦୟାକର ବୃନ୍ଦାବନ ଚନ୍ଦ୍ର

    ଧ୍ୟାୟେ ଶ୍ରୀରାଧା ଗୋବିନ୍ଦ l

ହେ ଲୀଳା ବିଧୃତ କଳେବର ଧୃତ

       ତୁମ୍ଭ ଲୀଳାମୃତ ବାଣୀ

କର୍ଣ୍ଣେ କର୍ଣ୍ଣାମୃତ ହୃଦୟେ ଝଙ୍କୃତ

      ହେଉଥାଉ ବେଣୁପାଣି l