ବାପୁଜୀ
ବାପୁଜୀ
ଦେଶ ଜାତି ପ୍ରୀତି ରକ୍ତେ ଯାର ସ୍ଥିତି
ପ୍ରାଣବଳି ପୁଣ୍ୟବାନ
ସମାଜେ ଅମର ଯଶ ଅକ୍ଷୟର
ସହୀଦୀର ସନମାନ ll
ଅହିଂସାର ନୀତି ବିଶ୍ୱେ ରାଜନୀତି
ଆଲୋଡନ ଦର୍ଶନର
ଧନ୍ୟ ବାପୁ ତୁମେ ଦେଶ ଇତିହାସେ
ଲେଲିହାନ ବ୍ୟକ୍ତିତ୍ୱର ll
କଥା କାମ ଏକା କାଟି ଥାଅ ସୁତା
କର୍ମେ ଥାଏ ମହାନତା
ଅଣ୍ଟା ଥାଏ ଘଡି ହାତେ ଧରି ବାଡି
କୋଟି ହୃଦୟର ନେତା ll
ଜାନୁଆରୀ ମାସ ଜୀବନର ଶେଷ
ତିନି ଗୁଳି ଛେଦେ ବକ୍ଷ
ତିରିଶି ତାରିଖ ହେଲା ଅସ୍ତମିତ
ମହାତ୍ମା ଦେଶର ମୁଖ୍ୟ ll
ଆଠ କିମି ଦୈର୍ଘ୍ୟ ରାଜଘାଟ ପଥ
ଲୋକାରଣ୍ୟ ଭରପୁର
ଅଶ୍ରୁଳ ବିଦାୟ ସହୀଦ ମୋହନ
ରତ୍ନ ତୁମେ ଭାରତର ll
ରବୀନ୍ଦ୍ର ଠାକୁର ଡାକେ ମହାତ୍ମାର
ପୁରେ ପୁରେ ପରିଚିତ
ବାପୁଜୀର ନାମେ ସମ୍ମାନଯେ ଭରେ
ବିଶ୍ୱ ନେତା ବାପୁ ସେତ ll
ଚମ୍ପାରନ ଖେଡା ରାଓଲାତ ନ୍ୟାୟ
ବିରୁଦ୍ଧରେ ଆନ୍ଦୋଳନ
ଅସହଯୋଗଯେ ଆଇନ ଅମାନ୍ୟ
ସତ୍ୟାଗ୍ରହେ ମାର ଲୁଣ ll
କର କିମ୍ବା ମର ଡାକ ସଂଗ୍ରାମର
ସୃଷ୍ଟି କରେ ଶିହରଣ
ସତ୍ୟ ନ୍ୟାୟ ଧର୍ମେ ଅହିଂସାର ମାର୍ଗେ
ପ୍ରତୀକଯେ ନ୍ୟାୟବାନ ll
ଭାତୃତ୍ୱର ବୀଜ ବୁଣେ ଦେଶ ପ୍ରେମ
ଧର୍ମ ନିରପେକ୍ଷ ନୀତି
ଗାନ୍ଧୀ ମଙ୍ଗଧର ଅଖଣ୍ଡ ଭାରତ
ଶ୍ରମେ ବିତେ ଦିନରାତି ll
ଓକିଲାତି ନେତା ଦାର୍ଶନିକ ସେବା
ସଂସ୍କାରକ ସମ୍ପାଦକ
ଚିନ୍ତା ଚେତନାରେ ମାନବର ବାଦ
ଧନ୍ୟ ତୁମେ ସାହିତ୍ୟିକ ll
ଗାନ୍ଧୀ ପାଦେ ମୋର କୋଟି ନମସ୍କାର
ସ୍ୱର୍ଗେ ଥାଇ ଦେଖ ଦେଶ
ରାମରାଜ୍ୟ ପାଇଁ ପ୍ରେରଣା ଯୋଗାଅ
ଅଧର୍ମର ହେଉ ନାଶ ll